تۆرکیهنین میللی محارب اوچاغی کاآن دونیا مئدیاسیندا
آذربایجان قافقاز اینفو خبر سایتی، کاآنین تۆرکیهنین ان اؤنملی تکنولوژی پرویژهلریندن بیری اولدوغونا وورغو ائتدی
تۆرکیهنین میللی محارب اوچاغی کاآن، دونیانین دقتینی اۆزرینه چکدی.
کاآنین ایلک اوچوشو، دونیا مطبوعاتیندا گوندم اولدو.
خبر، چین دؤولت تلویزیونو اینترنت سایتیندا "تۆرکیهنین بئشینجی نسیل شبح اووچو اوچاغی کاآن ایلک اوچوشونو تاماملادی" باشلیغییلا بیلدیریلدی.
خبرده، "تورک هاوا قوهلرینده مؤوجود اف-۱۶ اووچو اوچاغینین مرحلهلی اولاراق دییشدیریلمهسی پلانلانیر" ایفادهلری یئر آلدی.
یونان دؤولت تلویزیونو، کاآنین ایلک اوچوش گؤرونتولرینی پایلاشدی، تکنیک اؤزللیکلرینی ایضاح ائتدی.
پنتاپوستاگما قزئتی، کاآنین هر جور هاوا شرطینده اوچابیلدیگینی یازدی. قزئت، ایلک اوچوشو "تۆرک هاوا قوهلرینده اؤنملی بیر رول اۆستلنهجک" دئیه بیلدیردی.
الفتروس تیپوس قزئتی، تۆرکیهنین ۵.جی نسیل ساواش اوچاغی اۆرتن آز ساییلی اؤلکهلردن بیری حالینا گلدیگینه دقت چکدی.
یونان ساوونما سایتی ای-آمینا، "تورک هاواچیلیق صنایعی اوچون بیر دؤنوش نقطهسی" باشلیغینی آتدی.
آذربایجان قافقاز اینفو خبر سایتی، کاآنین تۆرکیهنین ان اؤنملی تکنولوژی پرویژهلریندن بیری اولدوغونا وورغو ائتدی.
سایت، اوکراینانین تۆرکیهدن کاآن ساواش اوچاقلاری ایستهدیگینی یازدی.
رپورت اینفورماسیون آژانسی ایسه، روسیانین کاآن اوچون تۆرکیهیه امکداشلیق تکلیفینده ائتدیگینی ایرلی سوردو.
کاآنین ایلک اوچوشو، ایرانین تسنیم خبر آژانسیندا دا یئر آلدی.
اطلاعات قزئتی ده "تۆرک اوردوسونون ایلک میللی ساواش اوچاغی کاآن، آنکارا گؤیلرینده اوچدو" باشلیغیندان ایستیفاده ائتدی.
روس خبر آژانسلاری اینترفاکس، " کاآنین باشاریسینی، تۆرک بئشینجی نسیل اووچو اوچاغی ایلک اوچوشونو ائتدی" باشلیغییلا بیلدیردی.
تاس خبر آژانسی، روس شیرکتلرین کاآن اووچو اوچاغی پروژهسینده تۆرکیه ایله چالیشماغا حاضر اولدوقلارینی آچیقلادیغینی یازدی.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی