تۆرکلرین گلیشدیردیگی روبات آریلار کۆره‌سل یئنیلیکچیلیک اؤدولو آلدی
"گلیشدیردیگیمیز میکرو روبات آریلارلا ملکه آرینی بسلمه‌یی باجاردیق. روباتلاریمیزین ایر‌لیده شانین تمیزلیگینی، بسله‌نمه‌سینی، باخیمینی ائتمه‌سی اوچون چالیشیریق"
اورتا دوغو تکنیک اونیوئرسیته‌سینین (اودتۆ) دونیادا نسلی تۆکه‌نمه تهدید‌دی آلتینداکی آریلارین بسله‌نمه‌سینی تامین ائد‌ن روبات آریلار گلیشدیره‌ن و شانلاری صونعی ذکا ایله تعقیب ائده‌بیله‌ن تکنولوژیلری، بیرلشمیش عرب امرلیکلرینده تشکیل ائدیله‌ن یاریشمادا، ان یاخشی ایکی کۆره‌سل یئنیلیکچیلیک/اینوواسیون پروژه‌سیندن بیری اولدو.
جمهورباشقانیرجب طیب اردوغانین شرف قوناغی اولاراق قاتیلدیغی دونیا حکومتلر ذیروه‌سی چرچیوه‌سینده تشکیل ائدیله‌ن ائیج آف گاورنمنت پلتفورمو طرفیندن ائدیله‌ن یاریشمادا، ۱۳ کۆره‌سل یئنیلیکچی پروژه آراسیندا ان یاخشی ایکی پروژه‌‌دن بیرینین صاحبی اولان اودتۆلو اکیب، اؤدول آلدی.
اودتو روباتیک و صونعی ذکا تکنولوژیلری آراشدیرما و اویقولاما مرکزی (رومر) مودورو و بیلگی‌سایار مهندسلیگی بؤلومو خوجاسی دکتر اَرول شاهین، آوروپابیرلیگی چرچیوه پروگرامی هوریزون چرچیوه‌سینده دستکله‌نیله‌ن "روبورویال" آدلی پروژه‌لرینه باغلی بیلگی وئردی.
شاهین، پروژه‌نین دورام اونیوئرسیته‌سی یئریدیجیلیگینده اودتۆ-رومر ایله چک تکنیک اونیوئرسیته‌سی و گیراز اونیوئرسیته‌سینین ایشتیراک ائتدیگی بیر اولوسلارآراسی کونسورسیوم طرفیندن ۲۰ نفرلیک آراشدیرما-گکلیشدیرمه (آر-گ) قروپویلا ایکی ایل اؤنجه باشلاتیلدیغینی ایفاده ائتدی.
شاهین، آریلارین یوخ اولماسی وضعیتینده بوتون اکوسیستمین بیر معنادا چؤکمه تهلوکه‌سی ایله قارشی قارشییا قالاجاغینی وورغولادی.
دکتر شاهین، اودتۆ اولاراق کرالیچه/ملکه آریلارین بسله‌نمه‌سینی و ساغلیغینی ایزله‌یه‌رک داها چوخ بالا وئرمه‌سینی تامین ائد‌جک روبات آریلار ایله شانلارین داواملی تعقیبینی ساغلایاجاق یاپای ذکالی بیر سیستم اوزرینده چالیشدیقلارینی ایضاح ائتدی.
شاهین، پروژه‌نین گلدیگی نقطه‌یه باغلی بو بیلگیلری وئردی:
"پروژه‌‌ده شانین ایچینی ۷/۲۴ (یئددی گۆن ییرمی دؤرد ساعات) اساسییلا تعقیب ائده‌بیله‌ن صونعی ذکالی بیر سیستم اینکیشاف ائتدیردیک. بئله‌جه باشدا ملکه آری اولماق اوزره شانداکی آریلارین ساغلیغینی تعقیب ائده‌بیلیریک. بونون یانیندا ایشچی آریلاری تقلید ائد‌ن و کرالیچه آرینی دیشاریدان بسله‌یه‌رک کنترل ائده‌بیلدیگیمیز میکرو-روبات آریلارین ایلک پروتوتیپینی ده اینکیشاف ائتدیردیک. گلیشدیردیگیمیز میکرو-روبات آریلارلا کرالیچه آرینی بسلمه‌یی باجاردیق. روباتلاریمیزین ایر‌لیده شانین تمیزلیگینی، بسله‌نمه‌سینی، باخیمینی ائتمه‌سی اوچون چالیشیریق".
شاندا داها چوخ ایشچی آرینین اولماسینین اکوسیستم باخیمیندان اؤنمینه توخونان شاهین، "بئله‌جه داها چوخ توزلاشما اولار، آغاجلار داها چوخ میوه وئرر، داها چوخ توخوم دا داها چوخ غذا دئمک. بئله‌جه بیر معنادا بوتون اکوسیستمی قوروموش اولاریق" دئدی.
ایلگیلی‌لی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی
