سوباجی:" ت.ر.ت اولوسلار آراسی یاییم ساحه‌سینده "امی موکافاتی" آلیب"

تورکیه رادیو و تلویزیون قورومونون (ت.ر.ت) باش مودیری محمت زاهید سوباجی بیلدیریب کی، ت.ر.ت-نین بیرگه اوره تیمی اولان "نفس - یئر منفی ایکی" (نفس - یئر ائکسی ایکی) فیلمی جسور قهرمان‌لارین قارشی‌لارینداکی مسئولیتی یئرینه یئتیرمک سعی‌لری‌نین عکسی‌دیر.

ت.ر.ت باش مودیری محمت زاهید سوباجی امکداش‌لاری ایله بیرلیکده ت.ر.ت-نین بیرگه اوره تیمی اولان "نفس - یئر منفی ایکی" فیلمینه باخمازدان اول ائتدیگی چیخیشیندا دئییب: "بو فیلم جسور قهرمان‌لاریمیزین قارشی‌لاریندا مسئولیت‌لرینی یئرینه یئتیرمک اوچون گؤستردیک‌لری سعی‌لرین بیر عکسی‌دیر.

ت.ر.ت موستقیللیگیندن واز کئچمه‌ین، تورپاق‌لاری شهید قانییلا سولانان بو جغرافیادا عادل بیر دونیا گؤروشو ایله سککیز میلیارد اینسانی قوجاقلایان اجتماعی رادیو-تلویزیون قورومودور.

اؤتن ایل پروژه لر ایله باغلی بیر چوخ یئنی‌لیلک‌لره ایمضا آتان ت.ر.ت اولوسلار آراسی یاییم ساحه‌سینده "امی موکافاتی" آلیب.

"Tabii" آدلی دیجیتال پلاتفورمامیزی ایستیفاده‌یه وئرمیشیک.

ریتینق‌لرده قازانیلان اوغورلارلا داوام ائدیریک.

ت.ر.ت 2024-جو ایلده باشقاسی ایله دئییل، اؤزو ایله یاریشا‌راق سویه سینی داها دا یوکسلده‌جک".

قئید ائدک کی، دسامبرین 15-دن تورکیه سینمالارینا چیخان "نفس – یئر منفی ایکی" فیلمی 2 مین متر یوکسک‌لیکده یئرلشن پولیس بؤلمه‌سینده بؤلگه‌یه خیدمت ائتمیش گئرچک قهرمان‌لارین بیر نئچه ساعات‌لیق حیاتیندان بحث ائدیر.