ایلان ماسک، باکی‌دا اوزای کنگره‌سینده دانیشدی
ایلان ماسک، آذربایجانین باشکندی باکی‌دا تشکیل ائدیله‌ن ۷۴.جو اولوسلارآراسی اوزای کنگره‌سینه ویدئو کنفرانس یولویلا باغلاناراق دانیشدی
الکتریکلی آراج اوره‌تیچیسی تسلانین و اوزای داشیماچیلیغی شیرکتی اسپیس اکسین اوست یؤنه‌تیچیسی ایلان ماسک، مارسا اینسانسیز بیر آراجین گؤندریلمه‌سی قونوسوندا ۳ ائله ۴ ایللیک حاضرلیق مدتی لازیم اولدوغونو ایفاده ائتدی.
ایلان ماسک، آذربایجانین باشکندی باکی‌دا تشکیل ائدیله‌ن ۷۴.جو اولوسلارآراسی اوزای کنگره‌سینه ویدئو کنفرانس یولویلا باغلاناراق دانیشدی.
اینسانلی و یا اینسانسیز بیر اوزای آراجینین مارسا گؤندریلمه احتیمالی سوالینی جاوابلایان ماسک، مارسا اینسانسیز بیر آراجین گؤندریلمه‌سی قونوسوندا، دونیا و مارس آراسینداکی نقلیات پنجره‌سینین هر ۲۶ ایلده بیر اولوشدوغونو و بئله بیر سفر اوچون ۳ ائله ۴ ایللیک حاضرلیق مدتی اولدوغونو وورغولادی.
ماسک آیریجا، ۴ ائله ۵ ایل سونراسین‌دا اسپیس اکسین گونده بیردن چوخ آتیلیش، ایلده ان آز ۱۰۰۰ آتیلیش ائتمه‌سینی پلانلادیقلارینی قید ائتدی.
اسپیس اکسین حاضیرلادیغی یئنی اوزای پالتارینین آیدا و مارس‌دا ایستیفاده ائدیله‌بیله‌جگینی ایفاده ائد‌ن ماسک، پالتارین گلیشیم آشاماسیندا اولدوغونو وورغولادی.
ماسک، تسلانین مارس و یا آی سطحینده یئرییه‌بیله‌جک بیر آراج دیزاینی اولوب اولمادیغی سوروشولدوغوندا، الکتریکلی آراجلارین دیگر موتورلار کیمی اکسیژنه احتیاجی اولمادیغی اوچون بئله بیر آراجین حاضیرلانماسینین مومکون اولدوغونو سؤیله‌دی.
کاینات‌دا یالنیز اولوب اولمادیغیمیز و اوزایلیلارین گئرچک اولوب اولمادیغی سوروشولدوغوندا ایسه ماسک،
"اوزایلیلارین گئرچک اولدوغونا دایر بیر دلیل گؤرمه‌دیم. سانیرام اوزایلیلار بیزلریک. اگر اینسانلیق بو بؤیوک قارانلیق ایچریسینده‌کی کیچیک بیر شام ایشیغی ایسه اودوموزون سؤنمه‌دیگیندن آرخایین اولماق اوچون هر شئیی ائتمه‌لیییک" دئدی.
ایلگیلی‌لی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی
