نوبل طب اؤدولونون صاحبلری بللی اولدو

۲۰۲۳ نوبل طب اؤدولونون صاحبلری کاتالین کاریکو و درئو ویسمن اولدو.
سوئد‌ده اولان کارولینسکا اینستیتوسوندا تشکیل ائدیله‌ن مطبوعات توپلانتیسیندا، ۲۰۲۳ نوبل طب اؤدولونو، "کووید-۱۹ یعنی یئنی نسیل کوروناویروسا قارشی تأثیرلی ام‌اران‌ای آشیلارینین گلیشدیریلمه‌سینی تامین ائد‌ن نوکلئوزیت اساس مودیفیکیشینلرینه باغلی کشفلری" سببی ایله ۶۸ یاشینداکی بیوکیمیاچی ماجار اصللی کاریکو و ۶۴ یاشینداکی ایمونولوگ آمریکالی ویسمنین قازاندیغی آچیقلاندی.
۲۰۲۲ نوبل طب اؤدولونو "سویو توکنمیش هومینینلرین ژنوملاری ایله اینسان تکامولونه باغلی کشفلریندن اؤترو" ۶۸ یاشینداکی سوئدلی بیولوگ سوانت پابو قازانمیشدی.
سوئدلی آلفرئد نوبلین وصیتی اوزرینه اؤلوموندن سونرا ۹ ژوئن ۱۹۰۰ده قورولان نوبل وقفینین اینسانلیغا خیدمت گؤستره‌نلره وئردیگی اؤدوللر، دونیادا ان سایغین اؤدوللر اولاراق قبول ائدیلیر.
نوبل اؤدوللری، سوئد کرالیت بیلیملر آکادمیسی، سوئد آکادمیسی، کارولینسکا اینستیتوسو و نروژ نوبل کومیته‌سی طرفیندن، شخصلر و یا قورولوشلارا فیزیک، شیمی، ادبیات، باریش و طب اولماق اوزره ۵ آیری بؤلومده ان باشاریلی قبول ائدیله‌ن شخصیتلره وئریلیر.
بونلارا علاوه اولاراق، نوبل اقتصاد اؤدولو، ۱۹۶۸ده سوئد مرکز بانکینین آلفرئد نوبلین خاطره‌سینه اقتصاددا دا اؤدول وئریلمه‌سینی قرارلاشدیرماسییلا ایلک دفعه ۱۹۶۹دا وئریلدی.