باکی‌دا اولوسلارآراسی اوزای کنگره‌‌سی باشلادی

آذربایجان جمهوریتینین باشکندی باکی‌دا ۷۴.جو اولوسلارآراسی اوزای کنگره‌‌سی (International Astronautical Congress- IAC) باشلادی.
اولوسلارآراسی اوزای فدراسیونونون تشکیل ائتدیگی، تورکیه اوزای آژانسینین پلاتین اسپونسورو اولدوغو کنگره‌‌نین آچیلیشی، آذربایجان جمهورباشقانی ایلهام علییئوین قاتیلیمییلا ائدیلدی.
اولوسلارآراسی اوزای کنگره‌‌سی ۲۰۲۳ده تورکیه، صنایع و تکنولوژی باخانی محمد فاتح کاجیر، تورکیه اوزای آژانسی باشقانی سردار حسین ییلدیریم، ت۳ وقفی یؤنه‌تیم قورولو باشقانی سلجوق بایراقدار و ایلک میللی آسترونوتلار آلپ‌اَر گزرآوجی و تووا جیهانگیر آتاسئور طرفیندن تمثیل ائدیلیر. کنگره‌‌ده آیریجا دونیانین ان بؤیوک هاواچیلیق و اوزای تکنولوژیلری سرگیسی تکنوفستده پروژه چیخاران ۵۰۰ یاریشماچی دا ایشتیراک ائدیر.
علییئو، اؤلکه‌سینین خاریجی سیاستی و اقتصادینا باغلی بیلگی وئره‌رک،
"خاریجی سیاستیمیز تام آچیقدیر. آذربایجان، ایسلام امکداشلیق تشکیلاتی و آوروپا شوراسی عضوودور. بو، ۲۰۰دن چوخ اؤلکه ایله ایلیشکی دئمکدیر. قاره‌لر آراسی اقتصادی و جغرافی کؤرپو رولو اویناییریق. اولوسلارآراسی ایش‌بیرلیکلرینین اینکیشافینا قاتقی وئریریک. جغرافی مؤقعیتمیزی مثبت سناریولارین ایجرا ائدیلدیگی مکانا چئویردیک" دئیه دانیشدی.
"آذربایجانین گیریشیمی و ایشتیراکییلا حیاتا گئچیریله‌ن انرژی و نقلیات پروژه‌لرینه ده ایشاره ائدن علییئو،
دونیانین انرژی گوونلیگینه قاتقی تامین ائدیریک. آذربایجان، امکداشلیق ائتدیگی اؤلکه‌لر اوچون گوونلی اورتاقدیر" دئدی.
آذربایجان جمهورباشقانی، بؤلگه‌ده‌کی وضعیت ایله قاراباغین ایشغالینا سون وئرمه‌لرینه ده توخوناراق،
"ایشغالدان قورتاردیغیمیز بؤلگه‌لری یئنیدن تیکیریک. ایندی باریشا و امکداشلیغینا اوداقلاندیق" شکلینده دانیشدی.
۱۰۱ اؤلکه‌دن ۵ میندن چوخ قاتیلیمچینین ایشتیراک ائتدیگی کنگره‌، اوتوروم و سرگیلرله ۶ اکتبرا قدر سوره‌جک.
۲۰۲۶داکی کنگره‌‌نین، نامیزد اؤلکه‌لردن تورکیه و یا لهستاندا می ائدیله‌جگی ده بو کنگره‌‌ده بللی اولاجاق.