حورجت ایلک اوچوشونو گئرچکلشدیردی

تورک هاواچیلیق و اوزای صنایعی آنونیم شیرکتی (توصاش) طرفین‌دن یئرلی و میللی ایمکانلارلا گلیشدیریله‌ن تورکیه‌نین ایلک جت موتورلو تعلیم و یونگول سالدیری اوچاغی حورجت، ایلک اوچوشونو گئرچکلشدیردی.
جمهورباشفانی رجب طیب اردوغان، سوسیال مئدیا حسابین‌دان ائتدیگی پایلاشیمدا،
"یئرلی و میللی ایلک اینسانلی سوپرسونیک جت اوچاغیمیز حورجت ایلک اوچوشونو باشاری ایله گئرچکلشدیردی. حمد اولسون، تورکیه یوز ایلینه آرماغان اولسون" ایفاده‌لرینی ایشلتدی.
اردوغان، حورجتین یووادان چیخاراق ایلک اوچوشونو گئرچکلشدیردیگی آنلارا عاید گؤرونتولری ده پایلاشدی.
حورجت، تک موتورلو، تاندم (ایکی نفرلیک) و مدرن آویونیک سویته صاحب پیلوت کابینی ایله اوستون حرکت اؤزللیکلریندن ایستیفاده ائد‌رک حساس رول اویناماق اوزره حاضرلاندی.
حورجت پروژه‌سی، جت تکامل تعلیمی چرچیوه‌سین‌ده ایستیفاده ائدیله‌ن ت-۳۸ اوچاقلاری ایله آکروتیم گؤستریلرین‌ده ایستیفاده ائدیله‌ن اف-۵ اوچاقلارینین یئرینه تورک هاوا گوجلرینه وئریلمک اوزره باشلادیلدی.
پروژه‌نین سرتیفیکیتلندیرمه فعالیتلرینین ۲۰۲۵ ایلی سونو اعتیبارییلا تاماملاناراق جت تعلیم اوچاغی سئچه‌نه‌گینین ایستیفاده‌یه وئریلمه‌سی هدفله‌نیر.