ایلک توگ جمهورباشقانی اردوغانا وئریلدی
جمهورباشقانی رجب طیب اردوغان و حیات یولداشی امینه اردوغان، چیخاریلان ایلک ایکی اتومبیلی تحویل آلدی
یئرلی الکتریکلی اتومبیل برندی توگون چیخاردیغی ایلک ایکی اتومبیل جمهورباشقانی رجب طیب اردوغان و حیات یولداشی امینه اردوغانا تحویل وئریلدی.
توگون ت۱۰ایکس مودلینین چیخاریلان ایلک ایکی نومونهسینین تحویلی اوچون، باشکند آنکارادا جمهورباشقانلیغی ساراییندا تحویل مراسیمی تشکیل ائدیلدی.
جمهورباشقانی رجب طیب اردوغان و حیات یولداشی امینه اردوغان، چیخاریلان ایلک ایکی اتومبیلی تحویل آلدی.
اردوغان، مراسیمده ائتدیگی دانیشمادا، "بو گون میللتیمیزین ۶۰ ایللیک خیالینین گئرچهیه چئوریلمهسینه شاهیدلیک ائدیریک" دئدی.
اردوغان، "یالنیز تورکیه یوللاریندا دئییل، دونیا یوللاریندا دا توگوموزو ایزلهیهجییک. سرعتسه سرعت، راحتلیقسا راحتلیق. نه آختارسانیز ایچریسینده وار" شکلینده دانیشدی.
اردوغان، آذربایجان جمهورباشقانی ایلهام علییئوه ده بو گون باشکند باکیدا توگ تحویل وئریلهجگینی اؤزبکیستانا دا گؤندریلمهسی اوچون ایشلرین سوردوگونو ایفاده ائتدی.
امینه اردوغان دا، "اؤلکهم آدینا غرور دویورام. اتومبیلین ایستیفادهسی ده چوخ راحت. ایچیده اؤزونوزو دینج حس ائدیرسینیز. امهگی اولانلارا تشکر ائدیرهم. چوخ گؤزل بیر آراج. خیرلی اولسون" دئیه دانیشدی.
توگون سری اورهتیمی باندلاریندان چیخان ایلک اتومبیلینین جمهورباشقانی اردوغانا تحویل وئریلمهسی ایله بیرلیکده، ایل سونونا قدر ایستیفادهچیلره تحویل وئریلهجک ۲۰ مین آراج اوچون ده سورهج باشلامیش اولدو.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی