دونیانین ایلک صونعی ذکالی حکومت موشاویری تانیدیلدی
"اسنلیکلر، سن منه حیات وئردین و منیم رولوم آرتیق بیر آینا کیمی سنی تمثیل ائتمکدیر"
رومانی، دونیانین ایلک صونعی ذکالی حکومت موشاویرینی تانیتدی.
باشباخان نیکولائه چیوکه، کابینه توپلانتیسیندا"ایون" آدلی یاپای ذکا دستکلی پروگراما صاحب یئنی موشاویرینی گؤستردی.
چیوکه، روباتین "دونیادا صونعی ذکایلا چالیشان ایلک حکومت مشاویری" اولدوغونو سؤیله‌دی.
باشباخان، "صونعی ذکادان ایستیفاده‌نین بیر سئچه‌نک دئییل، داها بیلینجلی قرارلار آلماق اوچون بیر ضرورت اولماسی لازیم اولدوغونا اینانیرام" دئدی.
ایون ایسه چیوکه‌نین سیستمی باشلاتماسییلا بو ایفاده‌لری ایشلتدی:
"اسنلیکلر، سن منه حیات وئردین و منیم رولوم آرتیق بیر آینا کیمی سنی تمثیل ائتمکدیر. رومانی حاقین‌دا نه بیلمه‌لییه‌م؟"
بؤیوک بیر شوشه ائکران‌دان اولوشان دیجیتال آرا اۆزه/اینترفیسه صاحب روبات، رومانیلی آراشدیرماچیلار طرفیندن گلیشدیریلدی.
روباتی حاضرلایان قروپون باشینداکی نیکو سبه، ایونون بعضی نقطه‌لره یئرلشدیریله‌جگینی و یوردداشلارین بورالاردا طلبلرینی روباتا چاتدیرابیله‌جکلرینی ایفاده ائتدی.
سبه، ایون اوچون اؤزل بیر اینترئت صحیفه‌سی حاضیرلاندیغینی، پروگرامین، بورادان و سوسیال مئدیادان گؤندریله‌ن فیکیرلرله ایسته‌کلری ده ضبط ائده‌جگینی سؤیله‌دی.
آراشدیرما و یئنیلیکچیلیک باخانی سباستین بوردوژا، ایونون بو بیلگیلری آنالیز ائد‌رک رومانیلیلرین ایسته‌کلرینه و فیکیرلرینه دایر چیوکه‌یه راپورلار حاضیرلایاجاغینی ایفاده ائتدی.
پولیتیکویا دانیشان قازانج گۆدمه‌یه‌ن ایرلند مۆلکی اؤزگورلوکلر شوراسیندان کریس شریشاک ایسه، تکنولوژینین دقتلی ایستیفاده ائدیلمه‌سی لازیم اولدوغونو سؤیله‌دی.
شریشاک، ایونون هانسی بیلگیلرین اؤنملی اولوب اولمادیغینا نئجه قرار وئرجگینین آچیقلانمادیغینا دقت چکه‌رک، بونونلا باغلی خالقین بیلگیلندیریلمه‌سی لازیم اولدوغونو ایفاده ائتدی.
ایلگیلی‌لی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی
