اردوغان: بوتون باشلیقلاردا ذیروهنی هدفلهییریک
جمهورباشقانی رجب طب اردوغان، اللرینده اولان ایمکان و قایناقلاری بوتون بشریتین خیدمتینه سوناجاق بیر آنلاییشلا حرکت ائدجکلرینی سؤیلهدی
جمهورباشقانی رجب طب اردوغان، قایناقلاردان ثمرهلی ایستیفاده ائدرک، آراشدیرما و گلیشدیرمه (آر-گ) و یئنیلیک فعالیتلرینی دستکلهمکله هدفلرینین ۲۰۵۳.جو ایله قدر یایینیملاری صیفیرا چاتدیرماق اولدوغونو بیلدیردی.
جمهورباشقانی اردوغان باشکند آنکارادا هدف ۲۰۵۳ دقیق صیفیر یایینیم، "آراشدیرما - گلیشدیرمه و یئنیلیک سیچراییشی" توپلانتیسیندا دانیشدی.
اؤلکهده یاشیل قالخینما آتیلیملارینی حیاتا گئچیرمهیه باشلادیقلارینی بیلدیرهن اردوغان،
"قایناقلاریمیزدان ثمرهلی ایستیفاده ائدرک، آراشدیرما - گلیشدیرمه و یئنیلیک فعالیتلرینی دستکلهمکله ۲۰۵۳-جو ایل اوچون خالص صیفیر یایینیم هدفیمیزه دوغرو یولوموزا داوام ائدجییک" دئدی.
بیلیم و تکنولوژی ساحهسینده هدفلرینه چاتماقلا قالماییب، بیر چوخ ساحهده داها اؤتهسینه گئچدیکلرینی وورغولایان اردوغان:
"بیلیم و تکنولوژینین لوکوموتیوی اولان ساوونما صنایعیندهکی اوغورلاریمیز بونون ان اؤنملی اثباتیدیر" دئدی.
تورکیه یۆزایلینه بیلیم و تکنولوژیده الده ائدیلهن ایرلیلهییشلر سایهسینده گوجلو بیر گیریش ائتدیکلرینی ایفاده ائدن اردوغان:
"سیاستدن اقتصادا، سوسیال ساحهدن تکنولوژییه قدر بوتون باشلیقلاردا ذیروهنی هدفلهییریک" ایفادهلرینی ایشلتدی.
اللرینده اولان ایمکان و قایناقلاری بوتون بشریتین خیدمتینه سوناجاق بیر آنلاییشلا حرکت ائدجکلرینی وورغولایان جمهورباشقانی،
"یئنی نسیل کوروناویروس (کووید-۱۹) سالقینی سیراسیندا ائتدیکلریمیزله، روسیا-اوکراینا ساواشیندا دوروشوموزلا و تاخیل دهلیزی باشدا اولماق اۆزره گئرچکلشمهسینی تامین ائتدیگیمیز مثبت گلیشمهلرله بونو اثبات ائتدیک" شکلینده دانیشدی.