طب نوبل اؤدولونون صاحیبی بللی اولدو

۲۰۲۲ طب نوبل اؤدولونو سوئدلی بیولوگ سوانته پبو قازاندی.

  ۲۰۲۲ نوبل اؤدوللری سوئدین باشکندی استکهلم‌داکی کارولینسکا انستیتوسوندا تشکیل ائدیلن پروگرام چرچیوه‌سینده صاحبلرینه وئریلمه‌یه باشلادی.

سوئد‌لی بیلیم اینسانی سوانته پبو "اینسان تکامولو" قونوسونداکی چالیشماسییلا ۲۰۲۲ طب نوبل اؤدولونو قازاندی.

پبو، مدرن اینسان ژنومو و نسلی تۆکنمیش نئاندرتاللار ایله دنیسووالیلاری قارشیلاشدیران و نؤوعلر آراسیندا ایلیشکی اولدوغونو گؤستره‌ن آراشدیرمالارا اؤنچولوک ائتدی.

نوبل طب اؤدولو، گئچن ایل اینسان وجودونداکی ایستیلیک و لمس رسپتورلارینی کشفلریندن دولایی دیوید جولیوس و آردم پاتاپوتیانا وئریلمیشدی.