کوروناویروسون یئنی علامت‌لری آچیقلاندی

کوروناویروسون یئنی علامت‌لری آچیقلانیب.

بو باره‌ده روسیانین تانینمیش ایمونولوژیست ولادیمیر بولیبوک "وچرنی مسکوه" نشرینه آچیقلاماسیندا بیلدیریب.

"کوروناویروسون اومیکرون واریانتی‌نین بدنده ضعیف‌لیک علامتی وار. همین علامت دیگر نوع ویروس‌لاریندا باش وئرمیر، بونا گؤره ده اونو دیگر خسته‌لیک‌لرله آییرد ائتمک چتین‌دیر"، - او دئییب.

حکیمین سؤزلرینه گؤره، ان چوخ راست گلینن علامت‌لر بورون توتولماسی، باش آغریسی و گؤز ببک‌لرینده آغری اولوب. ولادیمیر بولیبوک قئید ائدیب کی، کوروناویروسا یولوخما‌دان سونرا قوخو ایتکی‌سینه ایندی نادیر حال‌لاردا راست گلینیر.

قئید ائدک کی، دونیا ساغلیق تشکیلاتی‌نین معلوماتینا گؤره، دونیادا کوروناویروسا یولوخان‌لارین سایی 590 مین 659 مین 276 نفره چاتیب. ایندییه‌دک بو خسته‌لیک‌دن اؤلن‌لرین سایی 6 میلیون 440 مین 163 نفر تشکیل ائدیر.

ویروسا یولوخما سایینا گؤره امریکا، هیندوستان، برزیلیا، فرانسا، آلمانیا، بؤیوک بریتانیا و گونئی کره سیاهیدا ایلک یئددی‌لیگی بؤلوشور.

کوروناویروس 2019-جو ایلین دسامبریندا چین-ین ووهان شهرینده یاییلماغا باشلاییب. دونیا ساغلیق تشکیلاتی 2020-جی ایلین فوریه‌نین 11-ده انفکسیونون آدینی کووید-19 قویوب، مارسین 11-ده ایسه کوروناویروسو پاندمی اعلان ائدیب.