ایلان ماسک ژاپنو اویاردی

الکتریکلی اتومبیل اۆره‌تیچیسی تسلا و اوزای داشیماچیلیغی شیرکتی اسپیس‌اکس‌ین اۆست یؤنتیچیسی ایلان ماسک، آزالان دوغوم نیسبتلرینی ترسینه چئویره‌بیلمه‌‌سه، ژاپونون یوخ اولاجاغی اویاریسی ائتدی.

ایلان ماسک ژاپونون کیودو آژانسینین توئیتردن پایلاشدیغی "۲۰۲۱.جی ایلده اؤلکه جمعیتینین رکورد ساییدا آزالماسی" خبرینه، سوسیال مئدیا حسابیندان جاواب وئردی.

"آچیق اولانی بیان ائتدیگینی" قید ائد‌ن ماسک،

"دوغوم نیسبتینین اؤلوم نیسبتینی آشماسینا سبب اولان بیر دییشیکلیک اولمازسا، ژاپن سونوندا یوخ اولاجاق" گؤروشونو دیله گتیردی.

گچه‌ن آی یاییملانان خبرده ژاپن جمعیتینین ۲۰۲۱.جی ایلده ۶۴۴ مین آزالاراق ۱۲۵،۵ میلیونا چاتدیغی، بونون ۱۱ ایلدیر آردیجیل یاشاندیغی و ۱۹۵۰.جی ایلده‌ن بری ان بؤیوک آزالما اولدوغو وورغولانمیشدی.

حکومت بیلگیلرینه گؤره، اؤتن ایل اؤلکه‌ده ۸۳۱ مین دوغوم و ۱،۴۴ میلیون اؤلوم ثیت ائدیلدی.

سون بیلگیلره اساساً، ژاپن جمعیتینین یوزده ییرمی دوققوزو۶۵ یاش و اۆستو، یوزده ۱۱،۸ی ایسه ۱۴ یاش و آلتیدیر.