"سیهالار ساواشی نئجه دییشدیریر؟"

فرانسادا یاییملانان کرویکس قزئتینده چیخان آنالیزده، "تورکیه‌نین سلاح اوره‌تن عسگری بیر گوج اولاراق گئتدیکجه اؤزونو داها چوخ گؤستردیگی" آچیقلاماسینا یئر وئریلدی.

قزئتین سلاحلی انسانسیز هاوا آراجلارییلا (سیها) باغلی آنالیز یازیسین‌دا، تورک سیهالارینا اؤزل بیر بؤلوم آیریلدی.

"سیهالار ساواشی نئجه دییشدیریر؟" باشلیغییلا یاییملانان یازیدا، اؤزللیکله داغلیق قاراباغدا تورک تب-۲ و اسرائیللی هاروپ سیهالارینین آذربایجانین قیسا مدت‌ده چوخ داها آز جان ایتکیسی ایله چاتیشمانی قازانماسینا کؤمک ائتدیگی وورغولاندی.

یازیدا، "تورکیه‌نین مارس ۲۰۲۰ده سوریه‌ده سیهالاردان باشاریلی شکیلده فایدالاندیغی، لیبیده قانونی حکومت گوجلرینین، تورک سیهالاری سایه‌سینده یاسادیشی سلاحلی گوجلرین لیدئری خلیفه حفتره باغلی گوجلره اوستونلوک تامین ائتدیگی" ایفاده ائدیلدی.

یازیدا، بایکار ماکینا طرفین‌دن اوره‌تیلن، اویغون قیمتلی و کیفیتلی سیهالارین اؤزللیکله آفریقا اؤلکه‌لری اوچون جاذب اولدوغونا، اوکراینانین دا ۲۰ تورک سیهاسی ساتین آلدیغینا دقت چکیلدی.
آنالیز یازی سلسله‌سینین تورک سیهالارینا آیریلان بؤلومونده، "سیها، تورکیه اوچون بیر تاثیر ائتمه آراجی" باشلیغییلا وئریله‌رک سوریه، لیبی و داغلیق قاراباغداکی باشاریلاری سیها ساتیشلارینی آرتیردیغینا ایشاره ائدیلدی.