چینین صنعی گونشی یئنی بیر رکورد قیردی
پروژه، گونشین و دیگر اولدوزلارین ایچینده میدانا گلن رآکسیونلاری تقلید ائد‌رک سینیرسیز تمیز انرژی تامین ائده‌بیله‌جک بیر تکنولوژی گلیشدیرمه‌یی آماجلاییر
چینین صنعی گونشی، ائدیله‌ن سون سیناقلاردا گونش‌دن ۵ قات داها بؤیوک بیر ایستیلیک نیسبتینه چاتاراق یئنی بیر رکورد قیردی.
'یاپای گونش' اولاراق بیلینه‌ن تجروبی گلیمیش سوپر گئچیریجی/ایله‌تکن توکاماک (EAST)، چین‌ده‌کی سیناقلار سیراسین‌دا چاتدیغی ۷۰ میلیون درجه ایستیلیگی، ۱۷ دقیقه‌دن چوخ بیر مدت محافظه ائتدی.
شینهوا خبر آژانسینا گؤره، جمعه آخشامی گونو ائدیله‌ن سیناغین نتیجه‌لری، چین بیلیملر آکادمیسی پلاسما فیزیکی انستیتوسو آراشدیرماچیسی گونگ شیانزو طرفین‌دن آچیقلاندی.
گونگ،
"سون عملیات، بیر فوزیون رآکتورونون ایشلدیلمه‌سینه ایستیقامت‌لی ساغلام بیر علمی اساس تشکیل ائدیر" دئدی.
سوپر ایله‌تکن (conductor) پروژه‌سی، گونشین و دیگر اولدوزلارین ایچینده میدانا گلن رآکسیونلاری تقلید ائد‌رک سینیرسیز تمیز انرژی تامین ائده‌بیله‌جک بیر تکنولوژی گلیشدیرمه‌یی آماجلاییر.
سیناقلار، چینین آن‌هوئی ایالتینین مرکزی هفی‌ده داوام ائدیر.
ایلگیلی‌لی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی
