اردوغان: بیلیم، تورکیه‌نین سیاسی باغیمسیزلیغینین ضمانتیدیر
"صنایعین بوتون ساحه‌لرین‌ده بارماقلا گؤستریلن اؤلکه‌لردن بیری اولماق مقصدی ایله دایما سرعت آرتیراراراق یولوموزا داوام ائدیریک"
جمهورباشقانی رجب طیب اردوغان،
"ابتکار و تکنولوژنین اساسی اولان بیلیم، تورکیه‌نین سیاسی باغیمسیزلیغینین ضمانتیدیر" دئدی.
جمهورباشقانی اردوغان، تورکیه بیلیمسل و تکنیک آراشدیرمالار قورومو (توبیتاک) و تورکیه بیلیملر آکادمیسی (توبا) بیلیم اؤدوللری مراسیمین‌ده دانیشدی.
اردوغان،
"صنایعین بوتون ساحه‌لرین‌ده بارماقلا گؤستریلن اؤلکه‌لردن بیری اولماق مقصدی ایله دایما سرعت آرتیراراراق یولوموزا داوام ائدیریک. تکنولوژیک باغیمسیزلیغین، سیاسی باغیمسیزلیغین ضمانتی اولدوغونو بیله‌رک ایشله‌مه‌یه داوام ائدجییک" دئدی.
جمهورباشقانی، تورکیه سون واختلار بیلیم، بیلیم انسانی و تکنولوژییه بؤیوک سرمایه‌لر قویدوغونو بیلدیررک:
"بو یوللا اؤلکه‌میز اؤز تکنولوژیسینی داها یوکسک سویه‌لره داشییاراق چابالارینین میوه‌سینی آلماق یولوندادیر" دئدی.
جمهورباشقانی اردوغان،
"تورکیه قلوبال یئنیلیک شاخصین‌ده بو ایل ۱۰ پیلله ایر‌لیله‌یه‌رک ۴۱.جی یئره یوکسلدی و ایلک ۵۰ لیگینده ان چوخ آرتیش گؤستره‌ن اؤلکه اولدو" ایفاده‌لرینی ایشلتدی.
"گئچه‌ن آیین سونو اعتباری ایله ۲۲۱ میلیارد دلارلیق ایللیک صادرات رقمینه چاتدیق. انشاالله جاری آرتیق وئرمه‌یه باشلایاجاغیمیز گونلر یاخیندیر" دئین اردوغان،
"هدفیمیز، استخدام، اۆرتیم، صادرات و بؤیومه‌دیر" دئدی.
ایلگیلی‌لی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی
