اومیکرونون گؤرونتوسو پایلاشیلدی

هنگ کنگ اونیوئرسیته‌سی، کوروناویروسون اومیکرون واریانتینین الکترون میکروسکوپویلا الده ائدیله‌ن گؤرونتوسونو پایلاشدی.

کوروناویروسون اومیکرون واریانتی، دونیا گوندمینین ایلک سیرالارین‌داکی یئرینی قورویور.

بیر چوخ اؤلکه‌ده گؤروله‌ن واریانت، یوکسک یاییلما پتانسیلی ایله قایغیلارا سبب اولور.

هنگ کنگ اونیوئرسیته‌سی لی کا شینگ طب فاکولته‌سی، بو واریانتین گؤرونتوسونو الکترون میکروسکوپویلا چکدی.

پایلاشیلان گؤرونتو‌ده انفکته اولموش حجره یئر آلدی.