بیوانتک، کولون سرطانی آشیسینین فاز ۲ سیناقلارینا باشلادی
بیوانتکین آچیقلاماسیندا، دونیادا اؤلومجول ایکینجی سرطان اولاراق بیلینهن کولون سرطانینین معالیجهسی اوچون یئنی یوللارا احتیاجین یوکسک اولدوغونا دقت چکیلدی
آلمان بیوتکنولوژی شیرکتی بیوانتک، کولون سرطان آشیسینین (بیانتی۱۲۲) فاز-۲ سیناقلارینا باشلادیغینی بیلدیردی.
بیوانتکدن وئریلهن آچیقلامادا، امارانای (مئساژچی ارانای) تکنولوژیسینه دایالی بیانتی۱۲۲ آشی اوچون فاز ۲ چالیشمالارینا باشلاندیغی ایفاده ائدیلدی.
آمریکا بیرلشمیش دؤولتلری، آلمانیا، ایسپانیا و بلژیکدن تخمیناً ۲۰۰ خستهنین چالیشمایا قاتیلدیغینا یئر وئریلهن آچیقلامادا، چالیشمانین آماجینین، تومورلارین/شیشلرین جراحی و کموتراپیدن سونرا یئنیدن اورتایا چیخیب چیخمادیغیندا بیانتی۱۲۲نین ائتکینلیگینی آراشدیرماق اولدوغو ایفاده ائدیلدی.
بیوانتکین آچیقلاماسیندا، دونیادا اؤلومجول ایکینجی سرطان اولاراق بیلینهن کولون سرطانینین معالیجهسی اوچون یئنی یوللارا احتیاجین یوکسک اولدوغونا دا دقت چکیلدی.
بیوانتک باشدا دری سرطانی اولماق اوزره دیگر سرطان نؤوعلرینده ایستیفادهسی اوچون بیانتی۱۲۲ واکسنینین کلینیک چالیشمالارینی دا داوام ائتدیریر.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی