اوچان اژدها فسیلی تاپیلدی

بیلم انسانلاری قوزئی یاریم‌کوره‌‌ده گزدیگی بیلینه‌ن اوچان اژدهانین شیلی‌ده یاشادیغینا دایر دلیللر تاپدیلار.

شیلینین آتاکاما چؤلون‌ده تاپیلان دایناسور فسیلی، ۱۶۰ میلیون ایل اؤنجه دونیانی دولاشان ارکن پتروزارلار قروپونا عایددیر.

فسیل، اوزون قویروغو، قانادلاری و ایتی دیشلری اولان بیر ژورا دؤنمی سۆرونگنینین بؤلگه‌ده یاشادیغینا دایر تاپیلان ایلک دلیل اولدو.

قالیقلارین آراشدیریلماسینا رهبرلیک ائد‌ن یوناتان آلارکون، بو قروپ‌داکی کشفلرین عموماً آوروپادان گئتدیگینی و شیلی‌ده تاپیلان اسکلت قالیقلارینین، بو قروپ‌داکی حیوانلارین داغیلیمینین ایندیه دک بیلینن‌دن داها گئنیش اولدوغونو گؤستردیگینی سؤیله‌دی.

کشف، دونیانین گونئیینده‌کی قورو پارچالارینین اکثریتینین گوندوانا آدلی سوپر قاره‌ده بیر بیرینه باغلی اولدوغونا اینانیلدیغی بیر واختدا، قوزئی و گونئی یاریم‌کوره‌لری آراسین‌داکی یاخین باغلارا و اولاسی کؤچلره ایشاره ائدیر.