تسلادان رکورد قازانج

آمریکالی الکتریک‌لی اتومبیل اوره‌تیچی‌سی تسلانین قازانجی، بو ایلین ایلک دؤردده‌بیرین‌ده ۴۳۸ میلیون دلارلا رکورد سویه‌یه چاتدی.

تسلا، ۲۰۲۱ین ایلک دؤردده‌بیرینه عاید گلیرینی آچیقلادی.

بونا گؤره، شیرکتین بو ایلین ایلک دؤردده‌بیرین‌ده الده ائتدیگی گلیر گئچه‌ن ایلین عینی دؤورونه مقایسه‌ده یوزده ۷۴ آرتیشلا ۱۰،۴ میلیارد دلارا یوکسلدی.

ایندییه قدرکی ان یوکسک اتومبیل اوره‌تیم و تحویلی اولدوغونو بیلدیردن شیرکت، گئچه‌ن ایلین ایلک دؤردده‌بیرین‌ده ۵،۹ میلیارد دلار گلیر الده ائتمیشدی.

شیرکتین دقیق قازانجی ایسه ایلین ایلک دؤردده‌بیرین‌ده، گئچه‌ن ایلین عینی دؤورونه گؤره یوزده ۲۶۳۸ آرتاراق ۴۳۸ میلیون دلارا چیخدی.

تسلانین قازانجی گئچه‌ن ایلین ایلک دؤردده‌بیرین‌ده ۱۶ میلیون دلار اولاراق حسابلانمیشدی.

تسلا، ژانویه-مارس دؤورون‌ده دونیا مقیاسیندا ۱۸۴ مین ۸۰۰ آراجین تحویلینی گرچکلشدیردی.