"کووید-19"ون اینگیلتره وایانتی 1.32 دفعه داها یولوخوجودور

یئنی تیپ کوروناویروسون (کووید-19) اینگیلتره-‌ده آشکارلانان واریانتی‌نین ایلک اورتایا چیخان ویروس‌دان 1،32 دفعه داها یولوخوجو اولدوغو معین ائدیلیب.

دوولت کانالی "NHK "-نین خبرینه گؤره، ژاپونیادا میللی اپیدمی اینستیتوتونون (NIID) تدقیقاتچی‌لاری اؤلکه داخیلینده یاییلمیش "کووید-19"ون واریانت‌لارینی آراشدیریب‌لار.

تخمینن 50 گون داوام ائدن آنالیز پروسه سیندن سونرا اینگیلتره-‌ده اورتایا چیخان "کووید-19" واریانتی‌نین اوریژینال ویروس‌دان 1،32 دفعه داها یولوخوجو اولدوغو معین ائدیلیب.

میللی اپیدمی اینستیتوتونون باشقانی تاکاژی واکیتا مطبوعات کنفرانسیندا بو واریانتین کانسای بؤلگه‌سینده داها چوخ اولدوغونو، تدریجن توکیو و اطراف ایالت‌لره یاییلماغا باشلادیغینی سؤیله‌ییب.