اینگیلتره-ده 30 یاشدان آشاغی اولانلارا "اکسفورد-آسترازنکا" آشیسی وورولمایاجاق
اینگیلتره-ده 30 یاشدان آشاغی اولانلاردا قان لاختالانماسینا سبب اولدوغو اوچون "اکسفورد آسترازنکا" آشیسی وورولمایاجاق.
اینگیلتره-ده 30 یاشدان آشاغی اولانلاردا قان لاختالانماسینا سبب اولدوغو اوچون "اکسفورد آسترازنکا" آشیسی وورولمایاجاق.
داوا و طبی محصوللاری دوزنلمه تشکیلاتی (MHRA) شرحینده "اکسفورد آسترازنکا" آشیسینین جدی خستهلیکلرین قارشیسینی آلماقدا بؤیوک فایدالاری اولدوغونو قئید ائدهرک بیلدیریب: "بونونلا بئله 31 مارسا قدر 79 قان لاختالانماسی حالی باش وئریب کی، بونلاردان 19-و اؤلومله نتیجهلنیب. قان لاختالانماسینا نهیین گتیریب چیخاردیغی هله دقیلشمهییب."
51-ی قادین و 28-ی کیشی اولان اؤلوم حادثهلرینده یاش 18-79 آراسیندا دییشیر. حیاتینی ایتیرن 19 آدامدان 3-و 30 یاشدان آشاغیدیر. 19 اؤلومون 14-و بئیین، 5-ی ایسه دامارلاردا قان لاختالانماسی نتیجهسینده باش وئریب.
داوا و طبی محصوللاری دوزنلمه تشکیلاتینین آچیقلاماسیندان سونرا اینگیلتره آشی کومیتهسی 30 یاشدان آشاغی اولانلارا آرتیق "فایزر" و یا "مدرنا" آشی لارینین وورولاجاغینی آچیقلاییب.
"اکسفورد آسترازنکا" آشیسینین بیرینجی دوزو وورولموش آداملارا ایسه عینی آشینین ایکینجی دوزو وورولاجاق. .
قئید ائدک کی، اینگیلتره-ده 20 میلیوندان چوخ آداما "اکسفورد آسترازنکا" آشیسی وورولوب.
خاطیرلاداق کی، بیر سیرا آوروپا اؤلکهسی قان لاختالانماسی سببیندن سؤزوگئدن آشینین ایستیفادهسینی تاخیره سالیب، بعضیلری ایسه یاشا گؤره محدودلاشدیریب.
ایلگیلیلی خبرلر
آخینچی بیر سیناغی داها باشارییلا تاماملادی
بایراقدار آخینچی، دنیز اوستونده گئرچکلشدیریلن آتیش تستینی ده اوستون گۆجو ایله گئچدی