داها 5 اؤلکه "آسترازنکا"دان ایستیفا‌دنی دایاندیردی

فرانسا پرزیدنتی امانوئل ماکرون اؤلکه‌سینده "آسترازنکا" آشی‌سی‌نین آوروپا داوا آژانسی‌نین وئردیگی قرارا قدر دایاندیریلدیغینی دئییب.

ایتالیانین داوا آژانسی ده اوخشار معلومات یاییب. آژانس سیجیلیا آداسیندا "آسترازنکا" آشی‌سیندان سونرا 3 اؤلومون قئیده آلینماسیندان سونرا بئله بیر قرار وئریب.

ایسپانیا حکومتی‌نین باشچی‌سی پدرو سانچز، اؤز نؤوبه‌سینده، اؤلکه‌نین ساغلیق اورگان‌لاری‌نین وضعیتی تحلیل ائتمه‌یه داوام ائتدیردیک‌لرینی و یاخین گله‌جکده مسئله ایله باغلی آچیقلاما وئرجگینی سؤیله‌ییب.

آلمانیا ساغلیق ناظیرلیگی ده اؤلکه‌ده "آسترازنکا" آشی‌سیندان ایستیفاده‌نین دایاندیریلدیغینی اعلان ائدیب. ساغلیق ناظیری ینس شپان بئله بیر آچیقلاما ایله چیخیش ائدیب. ناظیر دئییب کی، آلمانیا-دا "آسترازنکا" آشی‌سیندان سونرا 7 قان لاختالانماسی حادثه‌سی قئیده آلینیب.

دانیمارکا، ایسلاندیا، ایرلاندیا، نروژو هوللاندیا دا داخیل اولماقلا بیر سیرا دیگر آوروپا اؤلکه‌لرینده ده سؤزوگئدن آشی‌دان ایستیفاده موقتی اولا‌راق دایاندیریلیب.