اوزای گمیسی سیناق اوچوشوندان سونرا پاتلادی
استارشیپ، اوغورلو بیر سیناق اوچوشوندان سونرا، موتور بؤلمهسینده آرتان آلوولار نتیجهسینده یوکسک بیر سسله پاتلادی
آمریکا اوزای و هاواچیلیق شیرکتی اسپیساکس، مارسا گؤندرمهیی پلانلاشدیردیغی یئنی نسیل اوزای گمیسینین استارشیپین یوکسک ارتفاع اوچوش سیناغینی حیاتا گئچیردی، آتما سکوسونا عمودی اولاراق ائنمهیی باجاران آراج بیر مدت سونرا پاتلادی.
اسپیسایکسین اوچونجو یوکسک ارتفاع اوچوش سیناغینی حیاتا گئچیردیگی یئنی نسیل اوزای گمیسی استارشیپ، اوغورلو بیر سیناق اوچوشوندان سونرا، سکویا عمودی و یومشاق ائنیش گرچکلشدیرمهسینه باخمایاراق بیر مدت سونرا موتور بؤلمهسینده آرتان آلوولار نتیجهسینده یوکسک بیر سسله پاتلادی.
اوزای شیرکتینین قوروجوسو و باش یؤنتیچیسی ایلان ماسکین دیگر نقلیات آراجلاردان فرقلی اولاراق، مارسا عینی آندا اونلارجا انسان گؤندرمک خیالی ایله حاضیرلادیغی استارشیپین داها اؤنجهکی ایکی سیناغی دا باشاریسیز اولموشدو.
تگزاسین مکزیک سرحدی یاخینلیغینداکی تست پلتفورموندا گرچکلشدیریلن اوچوش سونراسی میدانا گلن پاتلامایا یاناجاق تانکینداکی سیزینتیدان قایناقلاندیغی پایلاشیلدی.
اسان۱۰ آدلی اوچوشون گون ایچینده ایلک گیریشیمی، آتمایا بیر ثانیه قالا بیلگیسایار سیستمینده گؤرولن بیر پروبلئم سببی ایله اتوماتیک اولاراق لغو ائتمیشدی.
ایلگیلیلی خبرلر
آخینچی بیر سیناغی داها باشارییلا تاماملادی
بایراقدار آخینچی، دنیز اوستونده گئرچکلشدیریلن آتیش تستینی ده اوستون گۆجو ایله گئچدی