بایراکدار آکینجی تیها 20 مین فوت ارتفاع تستینی موفقیتله تاماملاییب
"بایکار" شیرکتی طرفیندن یئرلی و میللی ایمکانلارلا بوراخیلان "بایراکتار آکینجی تیها"-نین ایکینجی پروتوتیپی ایکینجی اوچوش سیناغینی موفقیتله تاماملاییب.
"بایکار" شیرکتی طرفیندن یئرلی و میللی ایمکانلارلا بوراخیلان "بایراکتار آکینجی تیها"-نین (اینسانسیز هاوا آراجی) ایکینجی پروتوتیپی چورلو هاوا میدانی قوموتانلیغیندا یئرلشن بایراکتار آکینجی اوچوش و تعلیم مرکزینده حیاتا کئچیریلن ایکینجی اوچوش سیناغینی موفقیتله تاماملاییب.
شیرکین وئردیگی آچیقلامایا گؤره، "بایراکتار آکینجی تیها"-نین ایکینجی پروتوتیپی بایکار تکنیکی مودیر سئلچوک بایراکتارین رهبرلیگی ایله کئچیریلن سیناق اوچوشو زامانی اورتا حسابلا 20 مین فوت (تخمینن 6.1 کیلومتر) یوکسکلیکده 2 ساعت 26 دقیقه هاوادا قالیب.
هاواداکی سیناقلاردان سونرا اوچوش زولاغینا ائنن "بایراکتار آکینجی تیها"-نین ایکینجی پروتوتیپینین ایکینجی و جمعی دؤردونجو اوچوش سیناغی اوغورلا باشا چاتیب.
قئید ائدک کی، "بایراکتار آکینجی تیها" ایلک پروتوتیپی ایله اوچوشونو 6 دسامبر 2019-جو ایلده ایلک اوچوشونو رئاللاشدیریب.
سیناق اوچوشو زامانی 16 دقیقه هاوادا قالان "بایراکتار آکینجی" 10 ژانویه 2020-ده سیستم تصدیقلمه تستی اوچون ده 1 ساعت 6 دقیقه اوچوش رئاللاشدیریب.
اوچونجو پروتوتیپ ده انتگراسیا تاماملاندیقدان سونرا سیناق اوچوشلاری یئرینه یئتیرمک اوچون چورلو هاوا لیمان قوموتانلیغینا گؤندریلهجک.
ایلگیلیلی خبرلر
آمریکادان نووه سلاحی آچیقلاماسی
"نووه سلاحی ایستیفادهسینه باغلی بیر قراری اصلا صونعی ذکایا بوراخماریق"