مشهور اوشاق جراحی کروناویروس‌دان وفات ائدیب

امریکا-دا تانینمیش اوشاق بئین جراحی کروناویروس‌دان وفات ائدیب.

سی ان ان کانالی نین وئردیگی خبره گؤره دونیادا تانینمیش اوشاق بئین جراحی جیمز گودریچ کروناویروسون آغیرلاشماسی سببیندن حیاتینی ایتیریب.

او، بیرلشیک اکیزلری آییرماق اوچون طب علمینه خصوصی مئتود گتیریب. بئله کی، جیمز گودریچ 2016-جی ایلده باشلاریندان‌ بیرلشیک سیام اکیزلری‌نین 27 ساعت‌لیق عملیاتیندا 40 حکیم‌دن عبارت قروپا رهبرلیک ائدیب.

30 ایل نیویورک خسته‌خاناسیندا اوشاق جراجیسی نین مودیری، هم ده آلبرت اینشتین طب کالج ینده پروفسور وظیفه‌سینده چالیشمیش جراح دونیانین موختلیف اؤلکه‌لرینده کی طب آراشدیرما مرکزلرینده کنفرانس لار وئریب.