تورک اؤیرنجیلر اؤدول آلدی

سوئده تورک اؤیرنجی‌لر سو پروژه‌سی درجه‌یه گیردی.

باشکند استکهلم‌دا گئچیریله‌ن اولوسلارآراسی سو هفته‌سی فورومو چرچیوه‌سین‌ده تشکیل اولونان "گنجلر سو اؤدولو" یاریشماسیندا، تورکییه‌دن بیرسن بئریل بیلدیریجی و الیف‌ناز ساعاتچی پروژه‌لری ایله اؤنملی بیر اوغورا ایمضا آتدی.

تاریخی برن هتل‌ده تشکیل اولونان اؤدول مراسیمینه، سوئد ولیعهدی ویکتوریا، تورکییه‌نین استکهلم ایش‌گۆدری اؤزنور اؤزکان، دؤولت سو ایشلری دیش بؤلگه مودورو دکتر امره آکچا، دؤولت سو ایشلری دیش ایلیشکیلر مشاویرلیگیندن حسن بصری یوکسل، دیپلوماتیک میسیون نماینده‌لری و قوناقلار قاتیلدی.

تورکییه‌نین استکهلم ایش‌گۆدری اؤزکان، بیلدیریجی و ساعاتچی‌نی، دونیادان ۵۰۰ پروژه آراسین‌دا ۳۲.جی اولان "سویون اوزرین‌ده‌کی یاغ طبقه‌سینی تمیزله‌مه" آدلی پروژه‌لری موناسیبتی ایله تبریک ائتدی.

اورتا اوخولدان بری بیلیمله مشغول اولدوغونو دیله گتیره‌ن بیلدیریجی، آراشدیرمالارینین اکثریتین‌ده طبیعتی قوروما و سویون چیرکله‌نمه‌سینین قارشی‌سینین آلینماسینا دقت یئتیردیگینی وورغولادی.

بیلدیریجی،

"سو اوزونده‌کی نفت و یاغ اولوشومو بیزی چوخ راحاتسیز ائتدی. سویون اوزون‌ده‌کی یاغی امن اما سویو اممه‌ین بیر شئی اۆرته‌جگیمیزی دوشوندوک. بونو دا گئچی، قویون قیلی و یۆنو ایله باجاردیق" ایفاده‌سینی ایشلتدی.

یاریشما‌دا استرالیالی یاریشماچینین "سوداکی ضررلی اولتراویوله رادیاسیون گونش شعاالارینی معین ائد‌رک یوخ ائتمه" پروژه‌سی بیرینجی اولدو.

اؤیرنجی‌لره ۱۵ مین دلار اؤدول وئریلدی.