سامانیولونون ۳ اؤلچولو خریطهسی چیخاریلدی
داها بؤیوک و آیرینتیلی ۳ اؤلچولو سامانیولو خریطهسی اولوشدورولدو
بیلیم اینسانلاری، گونش سیستمینین ده ایچینده اولدوغو سامانیولو گالاکسیسینین ۳ اؤلچولو خریطهسینی چیخاردی.
Space.Com اینترنت سایتیندا یئر آلان خبره گؤره، لهستان ورشو اونیورسیتهسی و آمریکا بیرلشمیش دؤولتلری اوهایو اونیورسیتهسی ایله اینگیلترهنین وارویک اونیورسیتهسیندن بیلیم اینسانلاری، اؤنجهکیلردن داها بؤیوک و آیرینتیلی ۳ اؤلچولو سامانیولو خریطهسینی اولوشدورمایی باجاردی.
سامانیولو گالاکسیسینین داها آیرینتیلی خریطهلندیریلمهسی آماجلانان چالیشمادا، بونون اوچون "سئفئید دییشکن اولدوزلارینین" گونش سیستمیندهکی گؤی جیسیملرینه اوزاقلیغی آراشدیریلدی.
چالیشمانین باش یازارلاریندان دوروتا کورون، اؤنجهکی چالیشمالارین عکسینه، بو آراشدیرمادا سئفئید(عمرونون سون آشامالارینا گئلمیش، بیر شیشیب بیر بۆزوشن اولدوزلار) اولدوزلاری ایله گونشین آراسینداکی مسافهنی بیرباشا حسابلایان بیر یؤنتمی قوللاندیقلارینی بیلدیردی.
بو چرچیوهده تخمیناً ۲ مین ۴۰۰ سئفئید اولدوزونو ۶ ایل آراشدیردیقلارینی وورغولایان کورون، تاپدیقلاری نتیجهلر ایشیغیندا ۳ اؤلچولو سامانیولو خریطهسینی چیخارماغی باشاردیقلارینی قید ائتدی.
کورون، ۳ اؤلچولو سامانیولو خریطهسینین گالاکسینین گئچمیشی و قورولوشو ایله اولدوزلارین اولوشوملاری سونراسی حرکت و یاییلمالارینی داها یاخشی اؤیرهنمک اوچون اولدوقجا اؤنم داشیدیغینی بیلدیردی.
ایش، "سجیئنجئ" ژورنالیندا درج اولونوب.