آیا ایلک آیاق باسیلان آنین گؤرونتولری ساتیلاجاق

آمریکان میللی هاواچیلیق و اوزای آژانسینین (ناسا) ۱۹۷۶.جی ایلده یانلیشلیقلا ۲۱۷ دلارا ساتدیغی آیا ایلک آیاق باسیلان آنین گؤرونتولرینین یئر آلدیغی ۳ کاست، آچیق آرتیرمایلا ساتیلاجاق.

آمریکا یایین قورولوشو سی‌ان‌ان‌ین خبرینه گؤره، آیا آیاق قویولماسینین ۵۰.جی ایل‌دؤنومو اولان ۲۰ جولایدا، بو تاریخی آنین گؤرونتولری مزایده ائوی ساتبیز طرفین‌دن آچیق آرتیرمایا چیخاریلاجاق.

بو گونه قدر قورونان ۲،۵ ساعات‌لیق گؤرونتولرین یئر آلدیغی ۳ کاست اوچون آچیلیش قیمتی ۷۰۰ مین دلار اولاراق معینلشدی.

کاستلرین ۲ میلیون دلارا آلیجی تاپاجاغی تخمین ائدیلیر.

گؤرونتولرده، آسترونوت نیل آرمسترانگین آیا ایلک آیاق باسدیغی آن و آمریکانین او زامانکی پرزیدنتی ریچارد نیکسونون چیخیشی یئر آلیر.

سؤزوگئدن گؤرونتولرین یئر آلدیغی کاستلر، ۱۹۷۶دا او دؤنم ناسا چالیشانی اولان گری گئورگا، بیر آچیق آرتیرمادا یانلیشلیقلا دیگر ۶۵ کاستله ۲۱۷ دلار ۷۷ سنته ساتیلمیشدی.