۳،۸ میلیارد انسان "آنلاین"

تورکییه لیسته‌ده ۱۵.جی سیرادا یئر آلیر

۳،۸ میلیارد انسان "آنلاین"

اینتئرنت ایستیفاده‌چیلرینین ساییسی گئچه‌ن ایل دونیا اهالی‌سینین یاری‌سین‌دان چوخونو اولوشدوراراق ۳،۸ میلیاردا چاتدی.

بوند اینترنت ترندلری راپورومانا گؤره، اینترنت ایستیفاده‌چی ساییسی هر گئچه‌ن ایل آرتماسینا باخمایاراق آرتیش سرعتی یاواشلاییر.

 اینترنت ایستیفاده‌چی ساییسی، ۲۰۱۸ده بیر اؤنجه‌کی ایله گؤره یوزده ۶ آرتاراق ۳،۸ میلیاردا چاتدی و دونیا اهالی‌سینین یوزده ۵۰سیندن چوخونو اولوشدوردو.

اینترنت ایستیفاده‌چیلرینین یوزده ۵۳و آسیا پاسیفیک‌ده، یوزده ۱۵ی آوروپادا، یوزده ۱۳و آفریکا و اورتادوغودا، یوزده ۱۰و لاتین آمریکا و کارئیب‌ده، یوزده ۹و ایسه قوزئی آمریکادادیر. ایستیفاده‌چی ساییسینین یوزده ۲۱ینی چین، یوزده ۱۲سینی هیندیستان و یوزده ۸ینی آمریکا بیرلشمیش دؤولتلری تشکیل ائدیر.

 بو اؤلکه‌لری اندونزی، برزیل، ژاپن، روسیا و مکزیک تعقیب ائدرکه‌ن، تورکییه لیسته‌ده ۱۵.جی سیرادا یئر آلیر.

دیگر طرف‌دن اینترنتی قوللانان جمعیتین عمومی جمعیته نیسبتی ایله الده ائدیله‌ن اینترنت ایستیفاده پنتراسیونو ۲۰۰۹دا یوزده ۲۴ ایکن، گئچه‌ن ایل یوزده ۵۱ اولدو. اینترنت ایستیفاده پنتراسیونون‌دا ایلک سیرادا یوزده ۸۹ ایله قوزئی آمریکا وار. بو قاره‌نی، یوزده ۷۸ ایله آوروپا، یوزده ۶۲ ایله لاتین آمریکا و کارئیب، یوزده ۴۸ ایله آسیا پاسیفیک و یوزده ۳۲ ایله آفریقا و اورتادوغو ایزله‌ییر.

سوسیال مئدیا ایستیفاده‌سین‌ده گوج‌لو بیر بؤیومه دؤورونون آردین‌دان یاواشلاما باشلادیغی گؤرولرکن، گیزلیلیک و پروبلئم‌لی ایچریک قایغیلاری دا ایستیفاده‌چیلرین داورانیشلارینا تأثیر ائدیر.



ایلگیلی‌لی خبرلر