آیین قوناغی بیر قادین اولاجاق
ناسا، آی اۆزرینه بیر قادین آسترونوت چیخارداجاغینی آچیقلادی
آمریکا هاواچیلیق و اوزای آژانسی ناسا، ۲۰۲۴.جو ایله قدر آی اۆزرینه بیر قادین آسترونوت چیخارداجاغینی آچیقلادی.
تکنولوژی خبرلری سایتی ده ورجده یئر آلان خبره گؤره، ناسا مودورو جیم برایدنستاین، ۲۰۲۴ ایلینه قدر گرچکلشدیریلمهسی پلانلانان یئنی آی گؤرهوینده، دونیانین اویدوسونا ایلک دفعه بیر قادین آسترونوتون آیاق باساجاغینی بیلدیردی.
برایدنستاین، یئنی وظیفهیه، آمریکالی آسترونوت نیل آرمسترونگون آیا ایلک دفعه آیاق باسدیغی "آپولو" وظیفهسینه عطفاً، یونان میتولوژیسیندهکی تانری آپولونون باجیسی آرتمیسین آدینین وئریلدیگینی ایفاده ائتدی.
ناسا، آپولو وظیفهسینده ۱۹۶۹-۱۹۷۲.جی ایللرده آیا ۱۲ آسترونوت چیخارمیشدی. بونلارین هامیسی کیشی آسترونوتلار ایدی.
سووئت سوسیالیست جمهوریتلر بیرلیگی آدینا "ووستوک ۶" گمیسی ۱۶ ژوئن ۱۹۶۳ده یؤرونگهده یولچولوق ائدن کوزمونوت والنتینا ترشکووا، اوزایا چیخان ایلک قادین عنوانینی آلدی.
اوزایا چیخان ایلک آمریکالی قادین ایسه ۱۹۸۳ ایلینده چلنجر گمیسی ایله گئدن سالی کریستن راید اولموشدو.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی