یئنی تۆرک سلاحی: آلکا

تورکییه، سون دؤونمده‌کی ترور سالدیریلارین‌دا تئز تئز ایستیفاده ائدیله‌ن پاتلاییجی یوک‌لو هاوا آراجلاری و ال یاپیمی پاتلاییجیلاری زائتکیسیز حالا گتیرمک اوچون دونیادا دا اولدوقجا یئنیلیکچی اولان آلکا/آلقا(اسکی تورکجه: یوخ ائدیجی، بیتیریجی) یؤنلندیریلمیش انرژی سلاح سیستمینی گلیشدیردی.

تورکییه‌نین موشک و راکت ساحه‌سین‌ده لیدئر شیرکتی روکتسان، آلکا یؤنلندیریلمیش انرژی سلاح سیستمینی ایلک دفعه ایستانبول‌داکی ۱۴.جو اولوسلارآراسی ساوونما صنایعی سرگی‌سین‌ده تانیتدی.

آلکا، ایلک دفعه پایلاشیلان تست گؤرونتولرینده ال یاپیمی پاتلاییجی، گوونلیک پوزونتوسو ائد‌ن کوادکوپتر، مهمات داشیان کوادکوپتر، جاسوس کوادکوپتر، سورو کوادکوپتر سالدیریسی کیمی تهدیدلری اوغورلا دفع ائتدی.

آلکادا هم لیزر تخریبات سیستمی هم ده الکترومانیتیک بیر قاریشدیرما سیستمی وار.

بو سایه‌ده کوادکوپتر، ثابت قانادلی مدل اوچاقلار کیمی ترور ائیلملرینده ایستیفاده اولونان آراجلارا قارشی اولدوقجا ائتکین بیر سیستم. عینی زامان‌دا ال یاپیمی پاتلاییجیلارین اوزاق‌دان پاتلادیلماسینی تامین ائدیر. هدفلرین حساس تعقیبینی ائد‌رک، اوزرین‌ده اولان رادار و الکترواوپتیک سیستملرله بیردن چوخ هدفین عینی آندا تعقیبینی حیاتا گئچیریر و وورولماسینی ساغلایابیلیر.