'ایراندان سایبری سالدیری' ادعاسی
"اوغورلانمیش معلوماتلارلا، سئچکیلره مداخله ائتمک، حکومت عضولرینی تقلید ائتمک ده داخیل بیر چوخ شئی ائدیلهبیلر"
ایرانلی بیلگیسایار هکرلرینین، اینگیلیس آلتیاپیسینین اؤنملی قوروملارینا سایبری سالدیری ائوتدیگی ادعا ائدیلدی.
اسکای نیوزدا یئر آلان خبرینه گؤره، آمریکا سایبری گوونلیک اوزمانلاری دسامبرین ۲۳ونده بؤیوک بریتانیانین پستخاناسی و بیر سیرا یئرلی شبکهلره عینی زاماندا سایبری سالدیریلارین ایزینی تعقیب ائتدی. متخصصلر، سالدیریلارین ایران انقلاب محافظلری اوردوسونا باغلی هکرلر طرفیندن گرچکلشدیگینی ادعا ائتدی.
ایرانلی هکرلرین پستخانا مودورو و مینلرجه ایشچینین شخصی معلوماتلارینی اوغورلادیغی سونوجو اورتایا چیخدی.
بیر سایبری گوونلیک شیرکتی اولان گلسول شیرکتینین باشقان یاردیمچیسی لویس هندرسون، اوغورلانمیش معلوماتلارین گلهجکده داها گئنیش بیر سایبری سالدیرینین باشلانماسی اوچون ایستیفاده ائدیلهبیلهجگینی بیلدیردی.
"اوغورلانمیش معلوماتلارلا، سئچکیلره مداخله ائتمک، حکومت عضولرینی تقلید ائتمک ده داخیل بیر چوخ شئی ائدیلهبیلر" دئدی. انگلیس تایمز قزئتی، استخبارات دگرلندیرمه راپورونا دایاندیریدیغی خبرده، ۲۳ ژوئن ۲۰۱۷ده، اینگیلیس مجلسینی هدف آلان سایبری سالدیرینین دا ایرانلی هکرلر طرفیندن ائدیلدیگینی ادعا ائتمیشدی. سالدیری نتیجهسینده، مجلیس عضولرینه عاید "حساس" معلوماتلار اوغورلاندیغی ادعا ائدیلمیشدی.
مایکروسافت تهدید استخبارات مرکزی مودورو جان لامبرت، ایران هکرلرینین اؤزللیکله سعودی عربیستان، آمریکا، آلمانیا، اینگیلتره و هیندیستاندا اولان شیرکتلره سایبری سالدیریلار تشکیل ائتدیگینی سؤیلهدی.
سایبری گوونلیک متخصصلری آمریکا، روسیا و چینده اولدوغو کیمی، ایران دؤولتینین ده گوجلو بیر سایبری اوردیا صاحب اولدوغونو بیلدیریر.
ایلگیلیلی خبرلر
آخینچی بیر سیناغی داها باشارییلا تاماملادی
بایراقدار آخینچی، دنیز اوستونده گئرچکلشدیریلن آتیش تستینی ده اوستون گۆجو ایله گئچدی