ان بؤیوک و ان قدیم تی-رکس فوصیلی
کانادانین ساسکاچوان ایالتینده، دونیادا بو گونه قدر کشف ائدیلن ان بؤیوک و ان یاشلی تیراننوسوروس رکس (تی-رکس) اسکلت قالیغی تاپیلدی
کانادانین ساسکاچوان ایالتینده، دونیادا بو گونه قدر کشف ائدیلن ان بؤیوک و ان یاشلی تیراننوسوروس رکس (تی رکس- t-rex) اسکلت قالیغی تاپیلدی.
آلبرتا اونیورسیتهسی پالئونتولوقلاریندان عبارت علم هئیتینین اسکوتی آدینی وئردیگی تی-رکس اسکلتینین، 13 متر اوزونلوغوندا، 66 میلیون ایل یاشیندا و 8 مین 800 کیلوقرام آغیرلیغیندا اولدوغو ااعلان ائدیلدی.
آلبرتا اونیورسیتهسی بیولوژی علملری بؤلومندن اسکوت پرسونس، ساسکاچوان ایالتیندکی بیر علمی آراشدیرما ساحهسینده ایلک دفعه 1991-جی ایلده کشف ائدیلن اسکلته دایر بیر آچیقلاما ائدیلمدیگینی ایفاده ائدهرک، اوزون ایللر عرضینده اسکلتین، سوموکلری ساران قوم داشیندان تمیزلنیلمهسی اوچون چالیشیلدیغینی و ایشین تاماملاندیغینی سؤیلهدی.
اسکلتین، ساسکاچوان ایالتینین باشکندی رجاینا-داکی ساسکاچوان کرال موزهسینده سرگیلنهجگینی بیلدیرن پرسونس، ائدیلن آراشدیرمادا اسکوتینین 30 یاشلاردا اؤلدوگونو و بونون ات یییجی دینوزورلار اوچون بیلینندن داها اوزون بیر حیات اولدوغونو ایفاده ائتدی.
"دینوزورلارین کرالی" اولاراق دا بیلینن تیرانوسوروس رکس نوعونده، بو گونه قدر اولان ان بؤیوک اسکلت قالیغی، اسکوتیدن 400 کیلوقرام داها آز آغیرلیغا صاحب.
اسکوتینین اسکلتی قومدان چیخاریلدی و داها سونرا موزهیه قاتیلدی.