مارسدا سو ایزلری

گؤی بیلیمچیلر، مارس‌دا بیر بیریله باغانتیلی اسکی یئر آلتی گؤللرینین و گئنیش یئر آلتی سویو شبکه‌سینین وارلیغینا دایر ایزلر اولدوغونو آچیقلادی.

 آمریکا بیرلشمیش ایالتلری هاواچیلیق و اوزای آژانسی ناسا و آوروپا اوزای آژانسی ائسانین مارس اویدولارینین تاپقیلارینی آراشدیران گؤی بیلیمچیلر، نتیجه‌لری "ژورنال اف جوفیزیکل ریسرچ" درگیسینده یاییملانان چالیشمادا، مارس کراترلرینده معیت ائدیله‌ن ژئولوژی ایزلرین قیزیل گزه‌گنین گئچمیش‌ده قارماشیق بیر یئر آلتی سویو سیستمینه ائو صاحب‌لیگی ائتدیگینی گؤستردیگینی ایفاده ائتدی.

اویدولارین چکدیگی سطح گؤرونتولرینی آراشدیران آراشدیرماچیلار، مارسین قوزئی یاریم کوره‌سین‌ده‌کی درین کراتر چوخورلارینین دؤشه‌مه‌سین‌ده گؤروله‌ن درین کانالین، حووض شکیللی دره‌لرین و یئلپیک بیچیملی چؤکونتولری گئچمیش‌ده بورادا یئر آلتی گؤللرینین و بونلاری بیر بیرینه باغلایان گئنیش بیر یئر آلتی سویو سیستمینین اولدوغونون دلیلی اولدوغونا ایشاره ائتدی.

آیریجا مارس‌دا تاپیلان گیل کیمی املاحین آنجاق اوزون مدت سو ایله تماس نتیجه‌سین‌ده میدانا گله‌بیلجیینه دقت چکه‌ن آراشدیرماچیلار، بونون گزه‌گن‌ده گئچمیش‌ده بؤیوک میقداردا سو اولدوغونا دلیل ساییلماسی لازیم اولدوغونو وورغولادی.

بیلیم آداملاری مارس‌دا ۳-۴ میلیارد ایل اؤنجه بؤیوک بیر یئر آلتی اقیانوسو اولدوغونو و بونون یئر آلتی سولاری ایله داها کیچیک یئر آلتی گؤللرینه باغلادیغینی دوشونور.

 مارس‌داکی سو وارلیغینین یئرده‌کینه بنزر بیر جان‌لی حیاتینین ایزلرینین آراشدیریلماسی باخیمین‌دان ایپ اوجو وئره‌بیله‌جگی دوشونولور.