یئنی بیر قورباغا کشف ائدیلدی

هیندیستان‌دا یئنی بیر قورباغا نؤوعو کشف ائدیلدی.

بی‌بی‌سی‌نین خبرینه گؤره، دهلی اونیورسیته‌سین‌ده دکترا اؤیرنجی‌سی سونالی گارگ و مشاویری سد بیژو، اؤلکه‌نین گونئیینده باتی گات داغلاری بؤلگه‌سین‌ده یئنی بیر قورباغا نؤوعونه راستلا‌دی.

لاتینجه میستیسلوس (گیزملی) آدی وئریله‌ن دار آغیزلی قورباغانین، ۳ ایل سورن آراش‌دیرمالارین سونون‌دا کشف ائدیلدیگی بیل‌دیریله‌رک، میکروهیلید قورباغالارین یئنی بیر نؤوعو اولدوغو دوغرولاندی.

سونالی گارگ، قورباغانین ایندییه قدر فرق ائدیلمه‌مه‌سینین سببینین، چوخالماق اوچون ایلده ۴ گون‌دن آز مدت اورتایا چیخماسی، ایلین گئری قالانینی گیزلنه‌رک گئچیرمه‌سی اولابیله‌جگینی سؤیله‌دی.

هیندیستانین باتی گات داغلاری بؤلگه‌سین‌ده ۲۰۱۷ده ده چوخور قازان ۴ یئنی قورباغا نؤوعو تاپیلمیش‌دی.