روس ژن بیلگیلری قوروما آلتینا آلیناجاق

روسیا اینسان ساغلیغی و مصرف ائدنلری قوروما قورومونون (روسپوتربنادزور) باشقانی آننا پوپووا، روس ژن بیلگیلرینین، قوروما آلتین‌دا دؤولت معلوماتلاری آراسینا داخیل ائدیله‌جگینی بیلدیردی.

اؤنجه‌دن شخصی معلوماتلارین آد، سوی آد، آتا آدی و بارماق ایزین‌دن عبارت اولدوغونو قید ائد‌ن آننا پوپووا،

"بوگون ایسه ژنیم حاقین‌داکی بیلگیلرین منیم شخصی معلوماتیم اولدوغونو دئییریک. ائله ایسه بو معلوماتلاری قان حجره‌لریم اوزرین‌دن ژنتیک کودومو چیخارابیله‌جک اوچونجو شخصلره دئییل، منه وئرین" دئیه دانیشدی.

اسپوتنیکین خبرینه گؤره پوپووا، قانون دییشیک‌لیگی تکلیفینین ایلگیلی قوروملاردان گئچدیگینی و قیسا مدت عرضین‌ده پارلمانا سونولاجاعینی سؤزلرینه علاوه ائتدی.

روسیا پرزیدنتی ولادیمیر پوتین، اکتبر آیین‌دا، خارجیلرین موختلیف ائتنیک منشأ‌لره صاحب روسیا وطنداشلاری حاقین‌داکی بیولوژیک ماتئریاللاری آنلاشیلماز سببلرله توپلادیغینی آچیقلادی و بو مسئله توپلومدا بؤیوک انفعال یاراتمیشدی.

روسییا فدراسیون شوراسی ساوونما و گوونلیک کمیته‌سینین باشقان میاردیمچیسی فرانتس کلینتسئویچ، روسیانین مختلیف بؤلگه‌لرین‌ده یاشایان روسلارین بیولوژیک ماتئریاللارینین، باتی‌لی گوجلرین تأثیرلی بیولوژیک سلاح اوره‌تمه‌سی مقصدیله توپلاندیغی فیکرینی دیله گتیرمیشدی.