ناسا، گونشین سسینی یاییملادی
"بو ساده سس بیزه بیر اولدوزون ایچیندن بیزه بیلگی وئریر. منجه بو اولدوقجا هاوالی بیر شئی"
گونشین چیخاردیغی سس دالغالاری، آوروپا اوزای آژانسی و آمریکا اوزای پروگرامی چالیشمالاریندان سوروملو اولان قورومو ناسانین گونش و هلیوسفوریک گؤزلمائوی سوهو طرفیندن ضبط ائدیلدی.
گؤندریلن سس دالغالاری و گؤرونتولر، ایستانفورد فیزیک لابراتوروندا آراشدیرماچیلار طرفیندن فیلترلنیب، سورعتلندیریلیر و ان سونوندا ایزلهنهبیلیر حالا گتیریلیر.
آمریکا مریلندده گوددارد اوزای اوچوش مرکزینده یئر آلان هلیوفیزیکس ساینس بؤۀوموندن سوروملو مودور یاردیمچیسی آلکس یانگ،
"گونشین ایچینه باخماغین ساده یوللارینا صاحب دئییلیک. گونشین ایچینه زوم ائتمک اوچون میکروسکوبوموز یوخ. اونون یئرینه بیر اولدوز، یا دا گونشین تیترشیمی اونلارین ایچینی گؤرمییمیزی ممکون قیلابیلیر" دئدی.
یانگ آیریجا،
"بو تیترشیملر، بیلیم اینسانلارینین گونشین ایچیندهکی پارتلامالاری و کورونال کوتله آتیملاری کیمی بیر سیرا قاریشیق حرکتین اینجهلنمهسینه ایمکان وئریر. ایچریسینده دولاشان بؤیوک گونش انرژیسی چایلارینی گؤرهبیلیریک. سونوندا گونشین قاتمانلارینی و قارماشیقلیغینی داها یاخشی آنلامایا باشلاییریق. بو ساده سس بیزه بیر اولدوزون ایچیندن بیزه بیلگی وئریر. منجه بو اولدوقجا هاوالی بیر شئی" دئدی.