پاریس ساووجیلیغی اپل حاققیندا سوروشدورما باشلاتدی

فرانسادا پاریس ساووجیلیغی سابیق مدل تلفون‌لاری بیر پروگرام واسطه‌سیله "بیله‌رک‌دن یاواش لاتدیغی ادعا‌لاری"قارشی‌سیندا تکنولوژی نهنگی اپل باره‌سینده سوروشدورما باشلاتدی.

پاریس ساووجیلیغی‌نین آچیقلاماسیندا، سابیق İphone مارکا تلفونلارینی اپل شیرکتی‌نین بیله‌رک‌دن یاواشلاتدیغی ایله  باغلی ادعا‌لاردان سونرا بیر توکه تیجی (مصرف کننده ) درنگی‌‌نین شیکایت ائتدیگی بیلدیریلدی.  

آچیقلامادا وورغولانیب کی، 2017-جی ایلین دسامبر آیی‌نین 27-ده ائدیلن مراجعت اینجه‌لنه‌نیب. نتیجه‌ده امریکانین تکنولوژی نهنگی اپل باره‌سینده حیله‌گرلیک ده داخیل بیر سیرا ادعا باره‌سینده سوروشدورما باشلادیلیب.

اپل سابیق مدل تلفونلارینین بیله‌رک‌دن یاواشلاتدیغی ادعا‌لاری‌نین ایره‌لی سورولمه‌سین‌دن سونرا بونو اعتراف ائتمیش، داها سونرا ایسه عذر یازیسی یایا‌راق باطری دییشدیرمه اجرت لرینده بؤیوک ائندیریم اولاجاغینی آچیقلامیشدی.

شیرکت‌دن همین سبب‌دن باشقا اؤلکه‌لرده ده شیکایت ائدیلدی. ایستیفادچی‌لر دیمیش ضررین اؤدنیلمه‌سینی شیرکت‌دن طلب ائدیرلر.