تورکیه و روسیا اس-400 سیستمینی دانیشیر

تورکیه و روسیا ایندی ده اس-400 هاوا ساوونما سیستم‌لری‌نین اوره‌تیم تکنولوژی‌لری ترانسفرینی دانیشیر.

 کرملین سؤزچوسو دمیتری پئسکوو، روسیا و تورکیه‌نین اس-400 موشک ساوونما سیستم‌لری‌نین اوره‌تیم تکنولوژیسی‌نین تورکیه‌یه وئریلمه‌سی قونوسوندا متخصص سویه‌سینده دانیشیق‌لار ائتدیگینی سؤیله‌دی.

 روسیانین تورکیه تورپاق‌لاریندا اورتاق اس-400 اوره‌تیمی ائدیلمه‌سی اوچون آنکارایا تکنولوژی ترانسفری ائدیب ائتمه‌یه‌جیی سوروشولان پئسکوو، "بو قونودا تماس‌لار و دانیشیق‌لارین اوزمانلار سویه‌سینده یئریدلیدیگینی سؤیله‌یه‌بیلرم" جاوابینی وئردی.

 خاریجی ایشلر باخانی مولوت چاووش اوغ‌و، اس-400 اوچون روسیا ایله "اورتاق اوره‌تیم قونوسوندا اصولی اولاراق آنلاشدیق" دئمیشدی. چاووش اوغلو، اورتاق اوره‌تیم قونوسون‌داکی تکلیفی روسیا دؤولت باشقانی ولادیمیر پوتینین شخصاً ائتدیگینی سؤیله‌میشدی.