قدیم اینسانلار کانی بال ایمیش‌لر

اینگیلتره‌نین سومرست بؤلگه‌سینده تاپیلان اویما سوموک‌لر 15 مین ایل اول یاشایان اینسان‌لارین کانیبال عادتلری اولدوغونا دایر یئنی دلیل لر اورتایا قویدو.

اینگیلتره مطبوعاتی نین خبرینه گوره، اولکه نین گونئی باتی سینداکی Cheddar Gorge  وادیسی‌نین Gough ماغاراسیندا تاپیلان سوموکلرین سون آنالیزی، اونلارین 14 مین 700 ایل اول اینسانلار طرفیندن گمیریلمیش اولدوقلارینی و خصوسی قاصابلیق تکنیک لری تطبیق اولوناراق فیله ائدیلگینی گوستریر.

1980-جی ایل لرده تاپیلان و 3 یاشینداکی اوشاغا، ایکی یئنی یئتمه‌یه و ایکی بویوک اینسانا عاید اولان قالیقلار اوزرینده معین اولونان دکوراتیو زیگزال کسیک لریینین سمبللیک معنا داشیدیغینی، و یا کانی بال آیی نین اهمیتلی بیر پارچاسی اولدوغو معین اولوندو. 

اینگیلتره‌دکی طبیعت تاریخی موزه سینین امکداشی کریس ایستینگر:" بلکه ده حقیقتن آج اولدوق‌لاری اوچون بیر-بیری‌لرینی یئییردی‌لر. بلکه ده دوشمن‌لرینی یئیرلرسه، جسارت‌لری‌نین اونلارا کئچه جگینه اینانیردی‌لار"دئدی.

PLOS One  ژورنالیندا درج اولونان فوتولار Paleolitik  دؤورونه عایید اولان کانی بالیزمین ایلک حقیقی دلیل‌لری اولدو.