حیاتا ال‌وئریش‌لی 2 گزگن تاپیلدی

دونیا‌دان یالنیز 12 ایشیق ایلی اوزاق‌لیقدا اولان، گونش بنزری اولدوز تائو ستینین اوربیتین‌دکی 2 گزگنین حیاتا ال‌وئریش‌لی اولابیلجیی تثبیت ائدیلدی.

اینگیلتره، هرتفوردشایر اونیورسیته‌سین‌دن فابو فئنگ اؤندرلیگینده حیاتا گئچیریلن آراشدیرمادا، دوپلر ایسپکتروسکوپی (رادیال سرعت و یا تیترشیم متودو) آدی وئریلن اصوللا، تائو ستینین اوربیتینده کیچیک گزگن‌لرین یئر چکیمی قوه‌سین‌دن قایناق‌لانان ضعیف تیترشمه‌لر اولدوغو تعیین اولوندو.

تیترشمه‌لر سایه‌سینده اولدوزون اوربیتینده 4 گزگن اولدوغو تثبیت ائدیلدی.

بو گزگن‌لردن ایکیسینین، حیات اوچون ال‌وئریش‌لی شرط‌لره صاحب اولابیلجیینی ایفاده ائدن بیلیم اینسان‌لاری، بون‌لارین اولدوزا قونوم‌لاری‌نین دا سطح‌لرینده سو تاپیلابیلجیینه ایشاره ائتدیگینی بیلدیردی.

اولدوزا چوخ یاخین مسافه‌سی سببیله دیگر 2 گزگنین ایسه سطح‌لرینده سو اولمایاجاغی وورغولاندی.

داها اول تائو ستینی آراش‌دیران عینی قروپ، اولدوزون اوربیتین‌دکی گزگن ساییسی‌نین 5 اولدوغونو وارساییردی.