آمریکا ایلک لیزر سیلاحینی تست ائتدی

امریکا دونانماسی (نیروی دریایی امریکا) بصره کورفزینده دونیانین پیلوت سوز اوچان هوا آراجی محو ائدن ایلک لیزر سیلاح سیستمینی تست ائتدی.

سی ان ان تلویزیونونون خبرینه گوره، USS Ponce آدلی آمفیبیک نقلیات گمی‌سینه یئرلشدیریلن LaWS تعیین اولونان هدفلری اوغورلا محو ائتدی.

حربی یئتکیلیلر LaWS -ون تست زامانی فرق ائدیلمه‌دیگینی و سس‌سیز اولدوغونو وورغولاییرلار.

سی ان ان تلویزیونونا موصاحیبه وئرن USS Ponce کاپیتانی کریستوفر وئلز، لیزر سیلاحی بیر گولله دن داها حساس دیر. LaWS یالنیز مشخص محیط ده کی (قورو، هوا، دنیز) هدفلره دئییل، چوخ مختلیف هدف لره قارشی ایستیفاده ائدیله بیلن چوخ ایستیقامتلی سیلاحدیر، دئدی.

LaWS -ون ایشیق سرعتی ایله حرکت ائتدیگینی بیلدیرن Wells بونون قاره لر آراسی بالیستیک موشکدن 50 مین دفعه داها سرعت‌لی اولدوغونو وورغولادی.

سی ان ان تلویزیونونا موصاحیبه وئرن دیگر حربی کاپیتان جاله هوگئز LaWS -ون یاناشان بیر نسنهیه بؤیوک میقداردا فوتون گؤندردیگینی بیل‌دیره‌رک: "هدف‌لره ایشیق سرعتی ایله چاتماق قابیلیتینه مالیک‌یک" ایفاده‌لرینی ایشلتدی.

هوگئز  LaWS -ون موشک لری ده وورا بیله جگینی سوزلرینه علاوه ائتدی.