"یئر یاخیندا یوخ اولاجاق"

فیزیکچی استیون هاوکینگ، دونیانین چوخ یاخیندا یاشانابیلیر بیر یئر اولماق‌دان چیخاجاغی‌نی وورغولادی.

نروژین تروندهایم شهرینده تشکیل ائدیلن اولوسلارآراسی ایستارموس بیلیم فستیوالیندا دانیشان هاوکینگ، دونیانین سونوندا آستروید یاغیشینا توتولا‌راق یوخ اولاجاغینی سؤیله‌دی و یاشانابیلیر یئنی گزه‌گن‌لر کشف ائتمه‌نین عاجل اولدوغونو وورغولادی.

"بو بیلیم قورغو دئییل، بونو فیزیک قانون‌لاری و احتیمال نظریه‌سی سؤیله‌ییر" دئین هاوکینگ قالمانین یوخ اولما ریسکینی گؤز آلماق معناسینا گله‌جیینی سؤیله‌دی و علاوه ائتدی:

"اوزایا چیخماق و یاییلماق، اینسانلیغین گله‌جیینی تامامیله دییش‌دیره‌بیلر. بو، بیر گله‌جییمیز اولوب اولمادیغی‌نین دا جاوابینی وئره‌جک‌دیر."

اوزایدا قورولابیله‌جک ایلک کولونی‌لرین آدرسی اولا‌راق آی و مارسا ایشاره ائدن هاوکینگ، بونونلا بیرلیکده گونش سیستمی‌نین خاریجینده یئر آلان آلفا سنتوری اولدوز سیستمی کیمی سیستم‌لرین ده گؤزآردی ائدیلممه‌سی لازیم اولدوغونو ایفاده ائتدی.

گونوموزده اینسان‌لارین گالاکسیلر آراسی سیاحت ائتمه‌سینی تامین ائده‌جک ایشیق ایلی سرعتینده گئده‌بیلن اوزای گمی‌لری اولمادیغینی ایفاده ائدن هاوکینگ، بونون اوچون چالیشمالار ائدیلمه‌سی‌نین گریینه ایشاره ائتدی و روس میلیونر یوری میلنرین "اولدوزلارآراسی سیاحت پروژه‌سی"نی نومونه گؤستردی.