آیفون 8ین شکیللری اورتایا چیخدی

آیفون 8ین بارماق ایزی سنسورونو و بؤیوین ائکرانینی گؤسترن یئنی گؤرونتولر، اینترنتده اورتایا چیخدی.

آیفونروز سایتیندا یاییملانان  شکیل‌لره گؤره؛ یئنی سیزان گؤرونتولر، آیفون 8ی اولدوغو کیمی گؤستریر. ائکرانین کنارلاری، چوخ اینجه دئییل. آنجاق تلفن اؤنجه‌کی آیفون‌لاردان چوخ فرق‌لی گؤرونور و اؤن اوزون بؤیوک بؤلومو ائکرانلا اؤرتولو.

10.جو ایله اؤزل حاضرلانان آیفون 8ین، آیفون 7 ایله 7 پلاس آراسیندا بیر اؤلچویه صاحب اولماسی گؤزلنیلیر.

آرخا اوزده ایسه چیخینتی‌لی بیر جوت کامئرا، میکروفون یوواسی و کیچیک بیر فلاش مودولو وار. اپل لوگوسونون آلتیندا ایسه تاچ آی‌دی بارماق ایزی سنسورو وار.

بو کادرلار گئرچک اولابیله‌جیی کیمی، بیر تقلید ده اولابیلر. یئنی تلفن‌لارینی ایلین سونونا دوغرو تانیدان اپل، اؤزل تاساریم یئنی آیفونو 1000 د‌لارین اوزرینده ساتاجاق.