آنتیک مصرده تورک ایزی
آنتیک مصرلیلرین ژنلرینده آنادولو و آوروپادان ایزلرین یئر آلدیغینی ایفاده ائدن بیلیم اینسانلاری، گونوموزدکی سوریه، اردن، ایسراییل و لبنانین دا ژن حوووضوندا یئر آلدیغینی قئید ائتدی
آلمانیادا ائدیلن بیر آراشدیرمادا، آنتیک مصر زامانیندان قالان قالیقلارین ژنلرینده تورک ایزلرینه راست گلیندی.
میلاددان قاباق 1400 ایله 400 ایللری آراسیندا مصرده چیخاریلان مومیالاری آنالیز ائدن بیلیم اینسانلاری، قالینتیلارداکی ژنلرین آغ دنیز اینسانلارینین ژنلرینه داها یاخین اولدوغونو اورتایا قویدو.
توبینگن اونیورسیتهسی و جناداکی ماکس پلانک اینسان تاریخ بیلیملری اینستیتوسوندا گرچکلشن آراشدیرمادا ایلک گرچک ژن مرکزی اولوشدورولدو.
نیچر کیمینیکیشینز درگیسینده یئر آلان آراشدیرما نتیجهسینده، معاصر مصرلیلرین، آتالاریندان داها چوخ صحرا آلتی آفریقالی ژنی داشیدیغینا چاتیلدی.
آنتیک مصرلیلرین، اورتادوغوداکی اینسانلارلا ژن باخیمیندان داها یاخین اولدوغو قید ائدیلیرکن، آراشدیرمانی یؤنهتن یوهانس کراوس، آراشدیرمانی 151 مومیا ایله گرچکلشدیردیکلرینی ایفاده ائتدی.
کراوس، آراشدیرمانی یئریدیرکن بؤیوک ایسکندر و باشقالارینین مصرلیلرین ژنلرینی ائتکیلهییب ائتکیلهمهدیگینی تاپماق ایستدیکلرینی سؤیلهدی.
آنتیک مصرلیلرین ژنلرینده آنادولو و آوروپادان ایزلرین یئر آلدیغینی ایفاده ائدن بیلیم اینسانلاری، گونوموزدکی سوریه، اردن، ایسراییل و لبنانین دا ژن حوووضوندا یئر آلدیغینی قئید ائتدی.
بیلیم اینسانلاری گونوموزدکی مصرلیلرین ایسه ژنلرینده آفریقانین آغیر باسدیغینی سؤیلرکن، آراشدیرمانین بو زامانا قدر مصردکی مومیالارین ژن خریطهلری اوزرینه ائدیلمیش ایلک و ان جامع چالیشما اولدوغو قید ائدیلدی.
ایلگیلیلی خبرلر
آخینچی بیر سیناغی داها باشارییلا تاماملادی
بایراقدار آخینچی، دنیز اوستونده گئرچکلشدیریلن آتیش تستینی ده اوستون گۆجو ایله گئچدی