اوچان تاکسی‌لر یولدا
سنگاپور نقلیات باخانلیغی، یولچو داشییابیلن هاوا آراجلاری اوچون مختلیف فیرما‌لار ایله گؤروشور
آسیا اؤلکه‌سی سنگاپور، 2030.جو ایل اوچون نقلیاتی راحتلاتماق آماجی ایله اوچان تاکسیلری یولا سالاجاق.
سنگاپور نقلیات باخانلیغی، یولچو داشییابیلن هاوا آراجلاری اوچون مختلیف فیرما‌لار ایله گؤروشور.
باخانلیق کاتیبی پانگ کین کونگ، 2030دا سنگاپوردا هاوا نقلیاتی‌نین گوونلی بیر سئچه‌نک اولاجاغینی سؤیله‌ییر.
سنگاپورون نیسبی اولا‌راق کیچیک اؤلچوسو و قالابالیق اها‌لی‌سی دوشونولسه، تیخاج‌لار(ترافیک) حکومت اوچون هر زامان بیر پروبلئم اولموشدور.
سنگاپور، آراج صاحب‌لرینه یوکسک وئرگی‌لر سونماقدا و ترافیکی داها آز قالابالیق یول‌لارا یؤنلتمک اوچون اتوماتیک سیستم‌لر قوللانماقدا. آیریجا یول پروبلئمینه بیر چؤزوم آختارارکن، سوروجوسوز آراجلار و سوروجوسوز تاکسی سیناق‌لارینا ده ایجازه وئریلیر.
یئنه ده سنگاپورون، توپلو داشیما اوچون بیرینجی سئچیمی قاتارلار اولا‌جاق.
ایلگیلی‌لی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی
