گؤیتورک -1 گؤیه چیخیر
تخمینا 90 دقیقهده دونیا اطرافیندا بیر دؤور آتاجاق پئیکین، ایلده 60 میندن چوخ گؤرونتو چکمهسی اؤن گؤرولور
تورک سلاحلی گوجلرینین هدف استحباراتینا اویدو گؤرونتوسو احتیاجینی قارشیلایاجاق گؤیتورک -1 اویدوسو، 5 دسامبردا آتیلاجاق.
گؤیتورک -1 اویدوسونون، مونتاژ و اینتگراسیون فعالیتی، پروژه یوکلهنیجیسی اولان تلهسپازیو (ایتالیا) -تیلز آلینیا ایسپیس (فرانسا) طرفیندن فرانسانین کن شهرینده اولان تاسیسلرینده گرچکلشدیریلدی.
تورک هاواچیلیق و اوزای صنایع شرکتی (توساش) آخینجی یئرلشکهسینده یئر آلان، تورکیهنین ایلک اوزای سیستملری اینتگراسیون و تست مرکزینده ائکولوژیک تستلری ائدیلن پئیک، اوربیتینه فیرلاتیلماق اوزره فرانسا گویانیندا اولان کورو فیرلاتما مرکزینه گؤندریلدی.
آلچاق ارتفاع دونیا یؤرونگهسینه اوتوراجاق اولان اویدو، آتمانین آردیندان 57.جی دقیقهده راکتدن آیریلاجاق، 59.جو دقیقهده گونش پانئللرینی آچاجاق. پئیکدن ایلک سیگنال، آتمانین آردیندان 68.جی دقیقهده آلیناجاق.
تخمینا 90 دقیقهده دونیا اطرافیندا بیر دؤور آتاجاق پئیکین، ایلده 60 میندن چوخ گؤرونتو چکمهسی اؤن گؤرولور.
اویدو، تورکیه اوزریندن هر گئچیشینده دونیانین موختلیف بؤلگهلریندن آلدیغی فوتوشکیل و گؤرونتولری، هاوا گوجلری اویدو یئر مرکزینه کؤچورهجک.
دونیاداکی بنزرلرینه گؤره اولدوقجا یوکسک کیفیتلی گؤرونتولر کؤچورهجک پئیک، اجتماعی قوروم و قورولوشلار اوچون چئوره و یاپیلاشمانین ایزلنیلمهسی، اکینچیلیک محصول تثبیتی، بلدیهچیلیک پروگراملاری، سرحد کنترلو، کاداستر فعالیتلری کیمی بیر چوخ ساحهده اوزاقدان آلقیلاما ائدیلهبیلهجک.
ایلگیلیلی خبرلر
آخینچی بیر سیناغی داها باشارییلا تاماملادی
بایراقدار آخینچی، دنیز اوستونده گئرچکلشدیریلن آتیش تستینی ده اوستون گۆجو ایله گئچدی