گوگل-دا نؤرال ترجومه سیستمی

اینگیلتره‌نین پایتاختی لندن-ده نؤرال ماشین ترجومه‌نی (Neural Machine Translation) تقدیم ائدن گوگل"ون دیرکتورو ساندار پیچای تورکجه‌نین ده یئر آلدیغی 9 دیلده کلمه ترجومه‌سی عوضینه گونده‌لیک دانیشیغا یاخین دیل بیلگیسینه اویغون ترجومه‌یه باشلانیلدیغینی آچیقلادی.

او دئدی کی، نؤرال سیستم بوتون جمله‌لری بیر-بیر ترجومه ائتمک عوضینه بیر دفعه‌لیک ترجومه ائده‌رک بو اطراف‌لی ایچری لیگی، ان یاخین ترجومه‌نی تاپا بیلمک اوچون اویغون بیر دیل بیلگیسی ایله اینسان دانیشیغینا اوخشار شکیلده یئنی‌دن قورور. بئله‌لیکله هر جمله‌نی باشا دوشمک داها آسان اولدوغو اوچون ترجومه ائدیلمیش پاراگراف‌لار و مقاله‌لرین اوخونماسی داها آسان اولور.

یئنی سیستم‌ین آرتیق ترجومه‌نی ادبیات ترجومه‌سی کیمی ائدجگینی وورغولایان پیچای بیلدیردی کی، یازیجی خورخه بورخس-ین بیر جمله‌سی اینگیلیسجه‌یه نورمال نئجه ترجومه ائدیلیرسه ائله ترجومه ائدیله‌جک.

نؤرال ماشین ترجومه‌سینی اینگیلیسجه، فرانسیزجا، آلمانجا، اسپانیا،پرتغال، چین،ژاپن، کره دیل‌لری و تورکجه اولماقلا 9 دیلده فعال حالا گتدیردیک‌لرینی ده بیل‌دیرن پیچای قئید ائتدی کی، بوتون بو دیل‌لر دونیا اها‌لی‌سی‌نین تخمین اوچده بیرینین آنا دیللری اولوب بوتون گوگل ترجومه سورغولاری‌نین 35 فایزین‌دن آرتیغینی اهاته ائدیر.

نؤرال ماشین ترجومه سینی 103 دیله چیخارماغی هدف گؤتوردوک‌لرینی بیل‌دیرن پیچای بونون قاچقینلار اوچون چوخ صرفه‌لی اولدوغونو دا وورغولادی.