تورک عسگری کوزووادا بیر اوخولدا اویون پارکی قوردو
"تورکیه جمهوریتی، گئچمیشده نئجه کوزووانین یانیندا یئر آلدی ایسه بو گون و گله‌جکده ده یانیندا یئر آلماغا داوام ائد‌جک"
ناتونون کوزوواداکی باریش گوجو بنیه‌سینده وظیفه یئرینه یئتیره‌ن تورک تمثیل هیئت باشقانلیغی طرفیندن، اؤلکه‌نین دراگاش بلدیه‌سینده اولان فتاح سلیمانی ایلک اوخولونا اویون پارکی قورولدو.
اوخولدا تشکیل ائدیله‌ن آچیلیش مراسیمینه، تورکیه‌نین پریشتینه ائلچیسی صبری تونج آنگیلی، تورک تمثیل هیئت باشقانی آلبای صبری گؤک‌حان کارامۆرسل، دراگاش بلدیه باشقان کؤمکچیسی رسول فتاحونون یانیندا یئرلی و اؤلکه‌ده وظیفه‌لی تورک قوروملارینین نمایندلری ایله اؤیرتمن و اؤیرنجیلر قاتیلدی.
ائلچی آنگیلی، بوراداکی دانیشماسیندا، کوزووانین گله‌جگینی قوراجاق اوشاقلارا ائدیله‌ن بو یاردیمین چوخ دگر‌لی اولدوغونو سؤیله‌دی.
پروژه‌نین تاماملانماسیندا امه‌گی اولان تورک سلاحلی گۆجلرینه و دیگر قوروملارا تشکر ائدن آنگیلی،
"تورکیه جمهوریتی، گئچمیشده نئجه کوزووانین یانیندا یئر آلدی ایسه بو گون و گله‌جکده ده یانیندا یئر آلماغا داوام ائد‌جک" دئدی.
تورک تمثیل هیئت باشقانی کارامۆرسل ده کوزووادا موختلیف ساحه‌لرده ائتدیکلری پروژه‌لر آراسیندا اوشاقلارا دایر اولانلارین اؤنمینه ایشاره ائد‌رک،
"تمثیل هیئت باشقانلیغی اولاراق ۲۵ ایللیک مدتده کوزوودا ۳۷۰ پروژه‌نی مختلیف ساحه‌لرده حیاتا گئچیردیک و بوندان چوخ بؤیوک بیر موتلولوق و غرور دویوروق" ایفاده‌سینی ایشلتدی.
دانیشمالارین آردیندان اؤیرنجیلر، خالق اویونلاری و رقص گؤستریسی سوندو.
مراسیم، فتاح سلیمانی ایلک اوخول اویون پارکینین آچیلیش باندینین کسیلمه‌سی آردیندان سونا چاتدی.
